વલસાડઃ શહેરમાં યોજાયેલા બ્રીજરાજદાન ગઢવીના ડાયરામાં નોટોનો વરસાદ થયો હતો. આ ડાયરામાં રૂ. 50 લાખનો વરસાદ થયો હતો. રૂ. 50 200 અને 500ની નોટોનો વરસાદ થયો હતો. તો આ રૂપિયા ગણવા માટે સ્પેશ્યલ કેશ કાઉન્ટિંગ મશીનની પણ વ્યવસ્થા કરવામાં આવી હતી.
વલસાડ જિલ્લાના કલવદા ગામમાં આયોજિત એક કાર્યક્રમમાં રૂપિયાનો વરસાદ થયો છે. આ કાર્યક્રમમાં બ્રીજરાજદાન ગઢવી પર લાખો રૂપિયા ઉડ્યા હતા.
ઉલ્લેખનીય છે કે આ કાર્યક્રમમાં બ્રીજરાજદાન ગઢવી અને ગીતા રબારી પણ ગાયક તરીકે ઉપસ્થિત હતા.
મહત્વનું છે કે વીડિયોમાં તમે જોઇ શકો છો કે લોકો અસંખ્ય રૂપિયા વરસાવી રહ્યા છે. વીડિયોમાં સ્પષ્ટ નજરે પડે છે કે બ્રીજરાજદાન ગઢવી ભજન ગાઇ રહ્યા છે અને લોકો તેના પર 200 અને 500ની નોટોનો વરસાદ કરી રહ્યા છે..
આ દરમિયાન આખુ સ્ટેજ નોટોથી ઢંકાય ગયું હતું. મળતી માહિતી અનુસાર આ કાર્યક્રમને ગામના સરપંચ દ્વારા આયોજિત કરવામાં આવ્યો હતો. આ ડાયરાની મોજ લેવા હજારોની સંખ્યામાં લોકો ઉમટ્યા હતા.