બેદરકારી / અમદાવાદની જાણીતી હોસ્પિટલમાં દાખલ ડૉક્ટરની વ્યથા, ઓક્સિજન 70 સુધી પહોંચ્યું પણ કોઈ આવ્યું નહીં

• અમદાવાદની ખાનગી હોસ્પિટલની બેદરકારી
• કોરોનાની સારવાર લેતા ડૉ. ગુંજન શાહે પોસ્ટ કર્યો વીડિયો
• દર્દીઓને નથી મળતી યોગ્ય સારવાર

અમદાવાદમાં ખાનગી હોસ્પિટલની બેદરકારીના આક્ષેપ લાગ્યા છે. અમદાવાદની જાણીતી CIMS હોસ્પિટલમાં દાખલ એક ડૉક્ટરે પોતાનો વીડિયો પોસ્ટ કર્યો છે. ડૉક્ટર ગુંજન શાહ ખુદ કોરોનાની સારવાર લેવા માટે CIMS હોસ્પિટલમાં દાખલ થયા છે. પરંતુ તેમને કોઈપણ પ્રકારની સારવાર યોગ્ય રીતે અપાતી ન હોવાનો વીડિયોમાં જણાવ્યું છે. ડૉક્ટરનું ઓક્સિજન લેવલ ઘટી જતાં તેમણે મદદ માટે સ્ટાફને બોલાવ્યો હતો. અનેક વખત ઈમરજન્સી બેલ વગાડવા છતાં કોઈ તેમને ચેક કરવા આવતું નહોતું. 

અમદાવાદની અનેક મનપા ડેજીગ્નેટેડ હોસ્પિટલમાં સારવારને લઈ અનેક પ્રશ્નો ઉભા થયા છે. ત્યારે એક ડૉક્ટર કક્ષાના મહિલાને પણ જો કોઈ જવાબ આપતું ન હોય. તો સામાન્ય દર્દીઓની શું હાલત હશે. સારવારના નામે લાખો રૂપિયાના બીલ બનાવતી હોસ્પિટલોની સત્ય હકિકતનો આ ચેતવણી આપતો કિસ્સો છે.