રોડ-શો દરમિયાન એક યુવતી PM મોદીના માતા હીરબાની તસવીર લઈને આવી હતી
PM મોદી તેમની સરકારના 8 વર્ષ પૂર્ણ થયાની ઉજવણી અંતર્ગત શિમલામાંની મુલાકાતે છે.શિમલા પહોંચ્યા બાદ પ્રધાનમંત્રી નરેન્દ્ર મોદીએ રોડ શો કર્યો હતો. આ દરમિયાન તેમણે ગાડીમાં ઉતરીને લોકોનું અભિવાદન પણ સ્વીકાર્યુ હતું. આ વખતે PM મોદીની ઝલક મેળવવા આવેલી એક મહિલા તેની સાથે PM મોદીના માતા હીરાબાની તસવીર લઈને આવી હતી. જેના પર તેમની નજર જતાં તેઓ સીધા તેની પાસે પહોંચી ગયા હતા અને તસવીર સ્વીકારી વાત કરી હતી. મોદીએ તેમને પૂછ્યું કે ક્યાં રહો છો અને કેટલા દિવસમાં બનાવ્યું ? જેના જવાબમાં મહિલાએ કહ્યું અહીંયા જ રહું છું અને એક દિવસમાં જ બનાવ્યું છે.
8 વર્ષની ઉજવણી કરવા શિમલા પહોંચ્યા PM
ઉલ્લેખનીય છે કે, PM મોદી તેમની સરકારના 8 વર્ષ પૂર્ણ થયાની ઉજવણીના ભાગરૂપે શિમલાની મુલાકાતે છે.આ દરમિયાન PM મોદીનો કાફલો સીટીઓ થઈને રિજ મેદાન પહોંચ્યો હતો. જ્યાં PM મોદી પહેલા કારમાંથી બહાર નીકળ્યા અને ચાલતાં ચાલતાં લોકો સાથે હાથ હલાવીને લોકોનું અભિવાદન સ્વીકાર્યું.
#WATCH | Himachal Pradesh: People shower flower petals on PM Narendra Modi's cavalcade en route to Ridge Maidan in Shimla. PM Modi will deliver an address at the event here to mark the eighth anniversary of the BJP govt at the Centre.
PM મોદીનું સ્વાગત કરવા ઉભેલા લોકોએ ફૂલોની વર્ષાથી સ્વાગત કર્યું
બીજી તરફ રોડની બંને સાઈડથી PM મોદીનું સ્વાગત કરવા ઉભેલા લોકોએ PM મોદી પર ફૂલોની વર્ષા કરીને તેમનું સ્વાગત કર્યું હતું. મહત્વનું છે કે, આ પહેલા PM મોદી અન્નાડેલ ગ્રાઉન્ડ પર હિમાચલના રાજ્યપાલ અને મુખ્યમંત્રીએ સ્વાગત કર્યું હતું. ત્યાંથી PM મોદી રોડ માર્ગે વિધાનસભા ચોક પહોંચ્યા હતાં. ઉલ્લેખનીય છે કે PM મોદીએ પહેલા રાજધાનીના મોલ રોડ પર રોડ શો કર્યો હતો. બાદમાં રિજ મેદાનમાં વિશાળ જનસભાને સંબોધિત કરવા માટે પહોંચી ગયા હતાં. મહત્વનું છે કે, વડાપ્રધાનને સાંભળવા માટે લોકો સવારે 7 વાગ્યાથી શિમલા પહોંચવા લાગ્યા હતા.