પ્રધાનમંત્રી મોદીએ મંગળવારે બનાસકાંઠાના દિયોદરમાં ડેરી કોમ્પ્લેક્સ અને બટાકાના પ્રોસેસિંગ પ્લાન્ટ ખુલ્લો મૂક્યો હતો. આ પ્રસંગે પ્રધાનમંત્રી મોદીએ લોકોને સંબોધિત પણ કર્યાં હતા. 151 વીઘા જમીનમાં બનીને તૈયાર થયેલા બનાસ ડેરી પ્લાન્ટને ખુલ્લો મૂક્યા બાદ પ્રધાનમંત્રી મોદીએ કહ્યું કે "કદાચ મારા જીવનમાં પહેલી વાર તક આવી છે કે બે લાખથી વધુ માતાઓ અને બહેનો આજે મને અને આપણા બધા માટે આશીર્વાદ આપી રહ્યાં છે. આ ડેરી ભારત માટે માતા અને બહેનોને સશક્ત બનાવવાની સાથે-સાથે માતા અને બહેનોને સશક્ત બનાવવાની સાથે-સાથે આત્મનિર્ભર ભારતને પ્રોત્સાહન આપી શકે તેવા સહકારી આંદોલનનું ઉદાહરણ છે. તે બધાનો સીધો અનુભવ અહીં થઈ શકે છે.
ગ્રામીણ ઈકોનોમીને વેગ મળશે- પીએમ મોદી
આ પ્રસંગે પ્રધાનમંત્રી મોદીએ કહ્યું કે બનાસ ડેરી સંકુલની વિકાસલક્ષી પહેલને કારણે ખેડૂતો આત્મનિર્ભર બનશે અને ગ્રામીણ ઈકોનોમીને વેગ મળશે. પીએમ મોદીએ કહ્યું કે બનાસ ડેરી સંકુલ, ચીઝ અને વ્હે પ્લાન્ટ ડેરીના વિસ્તરણ માટે મહત્વપૂર્ણ છે, પરંતુ તેનાથી એ પણ સાબિત થયું છે કે સ્થાનિક ખેડૂતોની આવક વધારવા માટે અન્ય સંસાધનોનો પણ ઉપયોગ કરી શકાય છે.પીએમ મોદીએ કહ્યું કે બનાસ ડેરી દ્વારા ગોબર ગેસ પ્લાન્ટ્સ સરકારના 'કચરે સે કંચન (વેસ્ટ ટુ વેલ્થ)' ના અભિયાનમાં મદદ કરશે.
બટાટાનાં પ્લાન્ટનું ઇ-લોકાર્પણ
PM મોદીના હાથે બટાટા પ્રોસેસિંગ પ્લાન્ટનું નિર્માણ કર્યું હતું. દુનિયાનું પહેલું 48 ટનની ક્ષમતાથી સજ્જ આ પ્લાન્ટમાં પોટેટો વેજિસ, ફ્રેંચ ફ્રાઈસ વગેરે બનાવવામાં આવશે.
ચીઝ અને વે પાઉડર પ્લાન્ટનું નિર્માણ
આ સિવાય ચીઝ અને વે પાઉડર પ્લાન્ટનું નિર્માણ પણ કરવામાં આવ્યૂ હતું. જેમાંથી પ્રોટીન પાઉડર જેવી ઉત્તમ પ્રોડક્ટ્સ બનાવવામાં આવશે.
વેસ્ટમાંથી બેસ્ટ
આત્મનિર્ભર ભારત હેઠળ સોલીડ વેસ્ટ મેનેજમેન્ટ સાથે જોડાયેલ પશુઓના ગોબરમાંથી ગેસ પ્લાન્ટનું નિર્માણ કરવામાં આવ્યું હતું.
ડેરી કોમ્પ્લેક્સ અને બટાકાના પ્રોસેસિંગની વિશેષતા
બનાશ ડેરી કોમ્પ્લેક્સમાં 1 લાખ લિટર આઈસક્રીમનું ઉત્પાદન થશે
ડેરીમાં ફ્રેન્ચ ફ્રાઈઝ બનાવવામાં આવશે
ફ્રેન્ચ ફ્રાઈઝ એક્સપોર્ટ કરાશે
નવા પ્લાન્ટમાં બટાકાનું ઝડપથી પ્રોસેસિંગ થશે
151 વીધા જમીનમાં બનાસ ડેરીનો નવો પ્લાન્ટ તૈયાર
1 કરોડ લીટર દૂધ કરી શકાશે પ્રોસેસ
માખણનું ઉત્પાદન વધશે, 60 મેટ્રિક ટન ચીઝનું ઉત્પાદન થશે
બટાકાની પ્રોડક્ટ માટે પ્લાન્ટ તૈયારબટાટાનાં પ્લાન્ટનું ઇ-લોકાર્પણ