અમરેલી / VIDEO: મગફળી ભરેલુ ટ્રેક્ટર તણાયું પાણીના ધસમસતા પ્રવાહમાં, જુઓ વીડિયો થયો વાયરલ 

• મોટા ઉજળા ગામે નદીમાં ટ્રેક્ટર તણાયું
• મગફળી ભરેલુ ટ્રેક્ટર પાણીમાં તણાયું
• સ્થાનિકોએ નદીમાંથી ટ્રેક્ટર બહાર કાઢ્યું

અમરેલી જિલ્લામાં શનિ અને રવિવારે છૂટો છવાયો વરસાદ વરસ્યો જે બાદ જિલ્લાના સાવરકુંડલા શહેર પણ મેઘરાજા મહેરબાન બન્યા હતા, જિલ્લામાં ફરી વરસાદને કારણે ખેડૂતો ચિંતામાં મુકાયા છે. તો બીજી તરફ  બાબરા પંથકના કોટડા પીઠા, ઊંટવડ, સહિત આસપાસના ગામડામાં વરસાદ પડ્યો હતો. તેમજ રાજકોટ- ભાવનગર હાઇવે પર વરસાદ વરસવાથી હાઈવે પર પાણી-પાણી જોવા મળ્યું હતું. 

મગફળી ભરેલુ ટ્રેક્ટર પાણીમાં તણાયું

આ તરફ કુકાવાવના મોટા ઉજળા ગામે નદીમાં પૂર જેવી સ્થિતિ સર્જાતા, નદીના ધસમસતા પાણીના પ્રવાહમાં એક ટ્રેક્ટર તણાયું હતું, જેનો વીડિયો સોશિયલ મીડિયામાં વાયરલ થયો હતો. વીડિયોમાં જોઈ શકાય છે કે ધસમસતા પાણીના પ્રવાહમાં ટ્રેક્ટર સવાર ખેડૂત પણ તણાયો હતો જો કે ખેડૂતને સ્થાનિકોની મદદથી બચાવી લેવાયો હતો. ખેડૂત પૂલ પરથી પસાર થઈ રહ્યો હતો ત્યારે મગફળી ભરેલું ટ્રેક્ટર તણાયું હતું પરતું ખેડૂતની સમય સુચકતાને પગલે મોટી જાનહાનિ ટળી હતી બાદમાં સ્થાનિકોએ ભારે જહેમત બાદ ટ્રેક્ટરને નદીમાંથી બહાર કાઢ્યું હતું