સરપ્રાઇઝ / VIDEO: ભાઇજાનને લઇ 'Pathaan'એ ખોલ્યું દમદાર સસ્પેન્સ: એન્ટ્રી જોઇ ચાહકો પણ સ્તબ્ધ, થિયેટરો સિટીઓથી ગૂંજી ઉઠ્યાં

• શાહરૂખ ખાનની ફિલ્મ પઠાન આજથી સિનેમાઘરોમાં રિલીઝ
• શાહરૂખની પઠાન માં સુપરસ્ટાર સલમાન ખાનની એન્ટ્રી 
• થિયેટરમાં સલમાનને જોઈ ચાહકોએ સીટીઓ વગાડી 

બોલિવૂડ સુપરસ્ટાર શાહરૂખ ખાનની ફિલ્મ પઠાન આજથી સિનેમાઘરોમાં રિલીઝ થઈ ગઈ છે. શાહરૂખ ખાનના ફેન્સ આ ફિલ્મની ઘણા સમયથી રાહ જોઈ રહ્યા હતા. આવી સ્થિતિમાં ફિલ્મ પઠાન ને લઈને ચાહકોમાં ભારે ઉત્તેજના જોવા મળી રહી છે. પરંતુ પઠાન માટે તમારી ઉત્તેજના પણ વધવાની છે, કારણ કે શાહરૂખની પઠાન માં સુપરસ્ટાર સલમાન ખાનનો કેમિયો દેખાડવામાં આવ્યો છે. જેને જોઈને થિયેટરમાં હાજર ચાહકોએ જોરથી સીટીઓ વગાડી હતી.

સલમાન ખાન અને શાહરૂખ ખાન બોલિવૂડના બે મેગા સુપરસ્ટારમાંથી એક છે. આવી સ્થિતિમાં 'પઠાન'ની રીલિઝ પહેલા, એવી ચર્ચા ખૂબ જ જોરદાર હતી કે, સલમાન ખાન કિંગ ખાનની ' પઠાન 'માં કેમિયો કરતો જોવા મળશે. આવું જ કંઈક બન્યું છે કારણ કે, સલમાન ખાનના એક ફેને સોશિયલ મીડિયા પ્લેટફોર્મ ટ્વિટર પર એક લેટેસ્ટ વીડિયો શેર કર્યો છે.

વિડીયો થયો વાયરલ 
હાલમાં સોશિયલ મીડિયામાં એક વિડીયો વાયરલ થઈ રહ્યો છે. આ વીડિયો ફિલ્મ ' પઠાન 'ના થિયેટર શો દરમિયાનનો છે, જેમાં સુપરસ્ટાર સલમાન ખાન પઠાન માં એક્શન કરતો જોવા મળી રહ્યો છે. આ વીડિયોમાં તમે જોઈ શકો છો કે, પઠાન ના એક સીનમાં જ્યારે શાહરૂખ ખાન દુશ્મનોથી ઘેરાયેલો હોય છે, ત્યારે સલમાન ખાનની ફાડુ એન્ટ્રી થાય છે.

BAAP entry!!
And that Tiger BGM 🔥

Salman Khan entry #Pathaanpic.twitter.com/j0cK9XC8HY

— Asıf (@BeingAsifx) January 25, 2023

સલમાનની ટાઈગર ફ્રેન્ચાઈઝીનું સંગીત અને ચાહકોની સીટીઓ બેકગ્રાઉન્ડમાં સંભળાય છે. આ સીનમાં સલમાન પોતાનો પ્રખ્યાત દુપટ્ટો હાથમાં પકડીને ગુંડાઓને ધોઈ નાખતો જોવા મળે છે. આવી સ્થિતિમાં ફિલ્મ પઠાન માં સલમાન ખાનના કેમિયોએ ચાર્મ વધાર્યો છે. તમને જણાવી દઈએ કે પઠાન ફિલ્મમાં સલમાન ખાનનો લગભગ 20 મિનિટનો કેમિયો જોવા મળશે.

મહત્વનું છે કે, આ પહેલીવાર નથી જ્યારે સુપરસ્ટાર સલમાન ખાન અને શાહરૂખ ખાન એકબીજાની ફિલ્મોમાં કેમિયો કરતા જોવા મળ્યા હોય. પઠાન થી આ જોડી ટ્યુબલાઇટ, હર દિલ જો પ્યાર કરેગા અને ઝીરો, કરણ અર્જુન, હમ તુમ્હારે હૈ સનમ, કુછ કુછ હોતા હૈ જેવી ઘણી ફિલ્મોમાં સાથે જોવા મળી છે.