પાયાના પ્રશ્નોના નિવારણ માટે ચૂંટણી લડી રહ્યો છુંઃ મહેન્દ્ર પટેલ
વિધાનસભાની ચૂંટણીનાં ઉમેદવારોની જાહેરાત બાદ પ્રથમ ચરણમાં ઉમેદવારોની જાહેરાત બાદ તમામ ઉમેદવારો દ્વારા ફોર્મ ભરી દેવામાં આવ્યા હતા. ત્યારે બીજા તબક્કામાં ઉમેદવારો જાહેર કરતા જ ભાજપ-કોંગ્રેસ, આપ તેમજ અપક્ષ ઉમેદવારો દ્વારા વાજતે ગાજતે પોતાના ટેકેદારો સાથે ફોર્મ ભરવા માટે પહોચ્યા હતા. ત્યારે ગાંધીનગરમાં અપક્ષ ઉમેદવાર સિક્કા લઈને ઉમેદવારી ફોર્મ ભરવા નીકળ્યા હતા. ત્યારે મામલતદાર કચેરી ખાતે તેઓ તેમના ટેકેદારો સાથે અપક્ષ ઉમેદવારી ફોર્મ ભર્યું હતું. ત્યારે તેઓ ડિપોઝીટમાં રૂપિયા 10 હજારના સિક્કા આપતા સૌ કોઈ અચંબામાં પડી ગયા હતા. ત્યારે મગેન્દ્ર પટેલે તેમનાં મિત્રોએ કચેરીમાં બેસીને એક-એક રૂપિયાનાં સિક્કા ગણ્યા હતા. ત્યારે મહેન્દ્રભાઈએ કહ્યું હતું કે તેઓ પાયાના પ્રશ્નોનાં નિવારણ માટે તેઓ ચૂંટણી લડી રહ્યા છે.
લારી ગલ્લાવાળા, પાથરણાવાળા, ઝુંપડપટ્ટીવાળાઓએ મને એક એક રૂપિયો આપ્યોઃમહેન્દ્રભાઈ પટેલ
આ બાબતે ઉમેદવાર મહેન્દ્રભાઈ પટેલે જણાવ્યું હતું કે મારૂ આર્થિક પાસુ નબળું હોઈ મારા મિત્રો તેમજ ગ્રામજનોએ એક-એક રૂપિયો ઉઘરાવીને આર્થિક પાસુ મજબૂત કરી આપ્યું છે અને સાથે સાથેએ તેઓએ કહ્યું છે કે જે રીતે અમે આ એક એક રૂપિયાનો સિક્કો આપ્યો તેમ અમે વોટ પણ આપશું. ત્યારે અપક્ષ ઉમેદવારી નોંધાવવા બાબતે તેમણે જણાવ્યું હતું કે ગાંધીનગરને સેક્ટર 14 માં રેલ્વે સ્ટેશન પર લીલા હોટલ બનાવવામાં આવી તે સમય દરમ્યાન 521 ઝુંપડા ધ્વસ્ત કરી દેવામાં આવ્યા. 30.11.1999 ની સ્થિતિ મુજબ ગાંધીનગર શહેરમાં જે સીટીની અંદર સર્વે કરવામાં આવ્યો આજ દિન સુધી અમને કોઈ મકાન ફાળવેલ નથી. તો આ સંદર્ભે લારી ગલ્લાવાળા, પાથરણાવાળા, ઝુંપડપટ્ટીવાળાઓએ જે મને એક એક રૂપિયો આપ્યો છે. એ લઈને હું ગાંધીનગર કલેક્ટર કચેરી ખાતે આવ્યો છું. અને જેવી રીતે લોકોએ મને સાથ આપ્યો છે તે રીતે પ્રચારમાં પણ તેઓ મને સાથ આપશે.
10,000ની ચિલ્લરને ગણતા અધિકારીઓને કલાકો લાગ્યા
થોડા સમય પહેલા સયાજીગંજ વિસ્તારનાં આમ આદમી પાર્ટીના ઉમેદવાર સ્વેજલ વ્યાસ વાજતે ગાજતે તેઓના ટેકેદારો ચૂંટણી ફોર્મ ભરવા પહોંચ્યા ત્યારે સ્વેજલ બેન વ્યાસ લોકો પાસેથી એક-એક રૂપિયા ઉઘરાવીને 10,000 ની ડિપોઝીટ લઈને કલેક્ટર કચેરીએ ફોર્મ ભરવા પહોંચ્યા હતા. તેમણે ચૂંટણી ડિપોઝીટ પેટે ઉઘરાવેલ 10 હજારની ચિલ્લર ગણવા માટે ચૂંટણી અધિકારીઓને કલાકો લાગ્યા હતા. એક સાથે ચાર જેટલા લોકો ચિલ્લર ગણવા માટે જમીન પર બેસી ગયા હતા. આ ચિલ્લર ગણાઈ ગયા બાદ અધિકારીઓએ તેમનું ફોર્મ સ્વીકાર્યું હતું.