અમેરિકાના રાષ્ટ્રપતિ જો બાઈડનનો એક વીડિયો હાલ સોશિયલ મીડિયામાં વાયરલ થઈ રહ્યો છે. જેમા અમુક સમય માટે તેઓ આંખો બંધ કરીને બેઠેલા નજરે પડી રહ્યા છે. આ વીડિયો હાલ ગ્લાસ્કોમાં ચાલી રહેલા COP26 સમિટનો છે. એવું મનવામાં આવી રહ્યું છે કે તેઓ ભાષણ સાંભળતા સાંભળતા તેઓ સુઈ ગયા હતા.
COP26માં બાયડન ઉંઘતા દેખાયા
વોશિંગટન પોસ્ટના રિપોર્ટરે સૌથી પહેલા આ વીડિયો સોશિયલ મીડિયા પર પોસ્ટ કર્યો હતો. જેમા તેણે એવો ઉલ્લેખ કર્યો કે COP26 ઉદ્ઘાટનમાં બાઈડન ઉંઘતા દેખાયા છે. વીડિયો અત્યાર સુધીમાં લાખો લોકો જોઈ ચુક્યા છે. જેમા ઘમા યુઝર્સે કે બાઈડન ભાષણ સાંભળતા સાંભળતા સુઈ ગયા છે. જેમા અમુક લોકોઓ નારાજગી પણ વ્યક્ત કરી છે.
3 થી 4 વખત આંખો બંધ થઈ
વીડિયોમાં જોઈ શકાય છે કે બાઈડન સ્પીકરને સાંભળી રહ્યા છે તેજ સમયે તેમની આંકો બંધ થઈ જાય છે. થોડિક સેકન્ડો રહીને તેઓ પોતાની આંખો ખોલે છે. પછી ફરીથી તેઓ પોતાની આંખો બંધ કરી દે છે. 1 મિનીટ 19 સેકન્ડની આ ક્લીપમાં બાય઼ન 3 થી 4 વખત આંખો બંધ કરતા નજરે પડી રહ્યા છે.
ભાષણના 1 કલાક બાદ આંખ લાગી
વીડિયોના અંતમાં જોઈ શકાય છે કે બાયડનના સહાયક તેમની પાસે આવે છે ત્યારબાદ તેઓ આંખો ખોલે છે. બંને જણા થોડીક વાતચીત પણ કરે છે. આ ઘટના ભાષણ શરૂ થયાના એક કલાક બાદ ઘટી હતી.
ઉંમરને લઈને વિપક્ષના બાયડન પર પ્રહાર
ઉલ્લેખનીય છે કે બાયડનની ઉંમર 78 વર્ષ છે. તેઓ અમેરિકાના રાષ્ટ્રપતિ પદ પર પહોચનારા સૌથી વધારે ઉંમરવાળા રાષ્ટ્રપતિ છે. વિપક્ષ દ્વારા પણ તેમની ઉંમરને લઈને તેમને રાષ્ટ્રપતિ પદ માચે શારીરિક અને માનસિક રૂપે અયોગ્ય ગણાવે છે. ગત વર્ષે ચૂંટણી સમયે પણ ડોનાલ્ડ ટ્રમ્પે આજ મુદ્દે બાયડન પર પ્રહાર કર્યા હતા.