ડાંગના અંતરિયાળ ગામમાં ધોધમાર વરસાદ વચ્ચે અંતિમ ક્રિયા કરવા માટે નદી પાર કરવા ગ્રામજનો બન્યા મજબૂર, નદી પર પુલના અભાવે જીવના જોખમે મૃતદેહને સ્મશાને પહોંચાડાયો
નદીના ખભા સમા પાણીમાંથી નીકળતી અંતિમયાત્રા
વિકાસ ઝંખતા ડાંગના અંતરિયાળ ગામની તસવીર
અંતિમ ક્રિયા કરવા માટે ગ્રામજનો મજબૂર
ડાંગ જિલ્લાના અંતરિયાળ ગામોમાં હજુ સુધી સ્મશાન ભૂમિની સગવડ થઇ શકી નથી. કોંગ્રેસના શાસનમાંથી મુક્ત થયેલા ડાંગ જિલ્લામાં હવે ભાજપનું શાસન આવ્યું છે છતાં પણ ડાંગ જિલ્લાના આદિવાસી સમાજની વર્ષોબાદ પણ સ્થિતિમાં ખાસ કઈ સુધારો આવ્યો નથી. આઝાદીથી આજ સુધી પ્રાથમિક સુવિધાઓના નામે કઇ મળી શક્યું નથી. લોકોના જીવનધોરણમાં કોઈ જાતનો ફેરફાર આવ્યો નથી.
સ્મશાનભૂમિની વ્યવસ્થા નહીં હોવાના કારણે મૃતદેહને ચોમાસા દરમિયાન ધોધમાર વરસાદમાં જોખમી રીતે નદી પાર કરીને અંતિમ ક્રિયા કરવા માટે ગ્રામજનો મજબૂર બન્યા છે. નદી પર પુલના અભાવે જીવના જોખમે મૃતદેહને સ્મશાને પહોંચાડાયો છે. ખાપરી નદીના ગળાડૂબ પાણીમાં ડાઘુઓ નદી પાર પહોંચ્યા હતાં. જીવના જોખમે લોકો ખાપરી નદીને પાર કરી રહ્યા છે.