દારૂબંધીના ધજાગરા / શરમ કરો શરમ : માતાજીના ગરબામાં આણંદ વિદ્યાનગરમાં ખુલ્લેઆમ દારૂ પાર્ટી, હવે માની લો ગુજરાતમાં દારૂબંધી નથી

• આણંદમાં જાહેરમાં દારૂ પાર્ટીનો વીડિયો વાયરલ 
• શરદ પૂનમાં ગરબામાં દારૂ પીતા પીતા રમ્યા ગરબા 
• સોશિયલ મીડિયામાં વીડિયો વાયરલ થતા મામલો ગરમાયો 

ગાંધીના ગુજરાતમાં દારૂબંધીના લીરેલીરા ઉડતાજ હોય છે. ત્યારે આણંદના વિદ્યાનગરમાં વધુ એક આવજો કિસ્સો સામે આવ્યો છે. જેમા શરદ પૂનમાં ગરબામાં લોકો દારૂની મિજબાની માણતા નજરે પડ્યા છે. સોશિયલ મીડિયામાં એક વીડિયો વાયરલ થયો છે. જેમા અમુક શખ્શો હાથમાં દારૂના ગ્લાસ સાથે ઝુમી રહ્યા છે. 

શેરી ગરબામાં દારૂપાર્ટી 

આ વીડિયો સામે આવ્યા બાદ કાયદો વ્યવસ્થાની સ્થિતી સામે સવાલો ઉભા થઈ રહ્યા છે. કારણકે વીડિયોમાં શખ્સો જાહેરમાંજ લોકોની સામે દારૂની પાર્ટી કરી રહ્યા છે. વિદ્યાનગરમાં આવેલ વૈભવ સિનેમાની પાસે કલીકુંજ સોસાયટીમાં આ ગરબા યોજાયા હતા. જેના સોસાયટીના શેરી ગરબામાંજ આ શખ્સો દારૂ પિને નાચતા નજરે પડી રહ્યા છે. 

વીડિયો વાયરલ થતા ઉઠ્યા સવાલો 

વીડિયો સામે આવ્યા બાદ ઘણો વિવાદ ઉભો થયો છે. સાથેજ લોકોના મનમાં ગણા સવાલો ઉભા થઈ રહ્યા છે. શરદ પૂનમાં ગરબામાંજ આ પાર્ટી થઈ ત્યારે આવા લોકો સામે પોલીસ ક્યારે કડક પગલા લેશે તે લોકોના મનમાં સવાલ ઉઠી રહ્યો છે. કારણકે વીડિયો વાયરલ થયા બાદ સમગ્ર મામલો ગરમાયો છે. 

દારૂબંધીના ઉડ્યા લીરેલીરા 

ઉલ્લેખનીય છે કે જાહેરમાં દારૂની મહેફીલ માણતા શખ્સોને પોલીસને ડર રહ્યો નથી કે શું તે સવાલ પણ લોકોના મનમાં ઉઠી રહ્યો છે. પોલીસ આ લોકોને કાયદાનું ભાન ક્યારે કરાવશે તે પણ એક સળગતો સવાલ આ ઘટનાને લઈને ઉભો થયો છે. કારણકે આ વીડિયોમાં દારૂબંધીના લીરેલીરા ઉડતા જોવા મળી રહ્યા છે.