બેદરકારી કોની? / મોજમાં રેવું રે...મોબાઈલમાં ગીત વગાડતા સિદ્ધપુરની જેલના કેદી, જેલમાં મોબાઈલને લઈ તંત્ર સામે સવાલ

• પાટણની સિદ્વપુર જેલનો વીડિયો વાયરલ 
• જેલની અંદર બેઠેલા 5 કેદીઓનો વીડિયો વાયરલ
• જેલમાં કેદીઓ પાસે મોબાઇલ કેવી રીતે પહોંચ્યો?

પાટણની સિદ્વપુર જેલનો વીડિયો વાઈરલ થઈ રહ્યો છે. જેમાં જેલની અંદર બેઠેલા 5 કેદીઓનો વીડિયો જોવા મળી રહ્યો છે. જેલમાં કેદીઓ પાસે મોબાઇલ કેવી રીતે પહોંચ્યો તેને લઈ જેલ તંત્રની કામગીરી સામે સવાલ ઉઠ્યા છે. વીડિયો વાયરલ થતા પોલીસ બેડામાં દોડધામ મચી છે. જો કે, Vtv આ વીડિયોની કોઈ પુષ્ટી કરતું નથી. કેદીઓ પાસે મોબાઈલ પણ છે અને તેમાં ગીત પણ વાગી રહ્યા છે. કોઈ જેલમાં આટલી મોટી ગેરરીતિ તંત્રની નજર બહાર થઈ રહી છે. બીજી તરફ જેલના કેદીઓ વીડિયો પણ બનાવ્યો અને આ વીડિયો મીડિયા સુધી પણ પહોંચ્યો છે. શું જેલમાં મોબાઈલની સાથે સીમકાર્ડ પણ કેદીઓ પાસે છે. શું આ પ્રકારે અનેક કેદીઓ મોબાઈલ છૂપાવીને રાખી શકે છે.