સોશિયલ મીડિયામાં એક પાકિસ્તાની બાળકીનો વીડિયો વાયરલ થઇ રહ્યો છે, જેમાં તે બટાકા સુધારી રહી છે. એક ઈન્સ્ટાગ્રામ એકાઉન્ટ પર આ વીડિયોને પોસ્ટ કરવામાં આવ્યો છે. ત્યારબાદ લોકો બાળકીની સાદગી અને સુંદરતાના દીવાના થઇ ગયા છે.
સોશિયલ મીડિયામાં એક પાકિસ્તાની બાળકીનો વીડિયો વાયરલ
બાળકીની સ્માઈલ અને સુંદર આંખો સો.મીડિયામાં છવાઇ ગઇ
વાયરલ વીડિયોમાં બાળકી બટાકા કાપી રહી છે
રોટલી બનાવતી બાળકીના પણ થયા હતા દીવાના
થોડા દિવસમાં વાયરલ વીડિયોને 80 હજારની આજુબાજુ લાઈક મળી છે અને આ વીડિયોને જોનારા લોકોની સંખ્યા દિવસે-દિવસે વધી રહી છે. થોડા સમય પહેલાં પાકિસ્તાનની એક રોટલી બનાવતી બાળકીનો વીડિયો પણ વાયરલ થયો હતો. આ બાળકીનું ભોળપણ અને સાદગીની અસર લોકો પર એટલી હદે થઇ હતી કે સોશિયલ મીડિયાના યુઝર્સે લાઈક અને કોમેન્ટ પુષ્કળ પ્રમાણમાં કરી હતી. રોટલી બનાવતી બાળકીના હાસ્યથી લાખો લોકો તેના દીવાના બની ગયા હતા. આ બાળકીનું નામ અમીના રિયાજ હતુ. જે એક વિચરતા પરીવાર સાથે સંબંધ રાખે છે.
1.5 મિલિયનથી વધુ વખત જોયો
અમીના રિયાજ બાદ વધુ એક પાકિસ્તાની બાળકીનો વીડિયો સામે આવ્યો છે, જેની સ્માઈલ અને સુંદર આંખો સોશિયલ મીડિયામાં છવાઈ ગઇ છે. વાયરલ વીડિયોમાં આ બાળકી બટાકા કાપી રહી છે. વીડિયોને Ekiya5 નામના ઈન્સ્ટાગ્રામ એકાઉન્ટ પર પોસ્ટ કરવામાં આવ્યો છે અને તેને અત્યાર સુધી 1.5 મિલિયનથી વધુ વખત જોવામાં આવ્યો છે. 10 સપ્ટેમ્બરે પોસ્ટ કરવામાં આવેલા આ વીડિયોમાં બાળકીએ અલગ-અલગ કલરના સલવાલ શૂટ પહેર્યા છે અને બટાકા કાપતા હસી રહી છે.
આ વીડિયોને યુઝર્સ તરફથી ખૂબ પસંદ કરાઈ રહ્યો છે. વીડિયોને અત્યાર સુધી 80 હજારની આજુબાજુ લાઈક મળી છે. તો વધુ કોમેન્ટો પણ મળી છે. અગાઉ જે બાળકીનો વીડિયો વાયરલ થયો હતો. તે 15 વર્ષની અમીના પાકિસ્તાનના સિંધ પ્રાંતમાં કરાંચીના બહારના વિસ્તારમાં રહે છે. તેની બાજુમાં રહેતા એક યુવકે તેનો વીડિયો બનાવીને શેર કર્યો હતો. જે જોતજોતામાં વાયરલ થયો હતો.