સુરત: શહેરના વરાછા રોડ વિસ્તારમાં લેડી ડોનનો આતંક જોવા મળ્યો. લેડી ડોન તરીકે ઓળખાતી ભુરી ઉર્ફે અસ્મિતા ગોહિલ એમ્બ્રોડરીના એક કારખાનામાં પહોંચી હતી અને ધાકધમકી આપી હતી. અસ્મિતા ગોહિલ સાથે તેનો સાગરીત પણ હતો. સીસીટીવી કેમેરામાં કેદ થયેલા દ્રશ્યોમાં જોઇ શકાય છે કે કઇ રીતે લેડી ડોન અને તેના સાગરીત કારખાનાના લોકો પર રૂઆબ જમાવી રહ્યા છે.
અસ્મિતાના સાગરીતના હાથમાં ખુલ્લી તલવાર પણ જોઇ શકાય છે અને પાછા ફરતા સમયે આ વ્યક્તિ બેફામ રીતે તલવાર વીંઝી રહ્યો છે અને કારખાનામાં તોડફોડ કરતા દ્રશ્યો પણ CCTVમાં કેમેરામાં કેદ થયા છે. જો કે આ હાલ લેડી ડોન અસ્મિતા ગોહિલની પોલીસે ધરપકડ કરી લીધી છે. મીડિયા દ્વારા જ્યારે અસ્મિતાના આ ઘટના અંગે સવાલ કરવામાં આવ્યો તો તેણે કહ્યું કે મને તલવાર રાખવાનો શોખ નથી અને સામે આવેલા વીડિયો પર મારો નથી.
ઉલ્લેખનીય છે કે તાજેતરમાં લેડી ડોન અને તેના સાગરિત બંન્ને હથિયારના દમ પર પાનની દુકાન બંધ કરાવી હતી. આ વીડિયો 21 મેનો હોવાનું સામે આવ્યું છે. ભૂરીનો ખુલ્લેઆમ આતંક અને દાદાગીરી વધતા હવે વરાછા પોલીસે લેડી ડોન ભૂરી અને તેના મિત્ર રાહુલની ધરપકડ કરી છે ફરિયાદના આધારે વધુ કાર્યવાહી હાથ ધરી છે.