જૂનાગઢમાં લારીધારકો મનપા કમિશનરને રજૂઆત કરવા પહોચ્યા હતા. જ્યા મનપા કમીશનરે ઉગ્ર થઈને લારીધારકોને ઓફિસમાંથી કાઢી મુક્યા જેનો વીડિયો હાલ સોશિયલ મીડિયામાં વાયરલ થયો છે.
જૂનાગઢ મનપા કમિશનરનો વીડિયો વાયરલ
કમિશનરે લારીધારકો પર બૂમાબૂમ કરી કાઢી મુક્યા
સોશિયલ મીડિયામાં મનપા કમિશનરનો વીડિયો વાયરલ
જૂનાગઢમાં મહાપાલિકા દ્વારા લારીઓ હટાવામાં આવી હતી. જેને લઈને હવે મોટો વિવાદ સર્જાયો છે. લારીઓ હટાવામાં આવતા લારી ધારકો મહાપાલીકાએ પોહચ્યા હતા. જ્યા તેમણે લારીઓ મુકવા માટે રજૂઆત કરી હતી. જોકે રજૂઆતને લઈને મહાપાલિકાના કમિશનરે રોષે ભરાયા અને મામલો વણસ્યો છે.
લારી ધારકોએ સૂત્રોચ્ચાર કરી વિરોધ કર્યો
રજુઆત કરવા ગયેલા લારી ધારકોને મહાપાલિકા કમિશનર દ્વારા ગેટલોસ્ટ કહી દેવામાં આવ્યું . જેના કારણે લારી ધારકો પણ ભારે રોષે ભરાયા હતા. જેમા તેમણે મનપા કમિશનર અને સ્ટેન્ડિંગ કમિટીના ચેરમેન સામે સૂત્રોચ્ચાર કર્યા હતા. લારી ધારકો પોતાની રોજગારીને લઈને કમિશનર પાસે ગયા હતા. જોકે તેમને કમિશનરે ત્યાથી કાઢી મુક્યા હતા.
વીડિયો વાયરલ થતા કમિશનર સામે ઉઠ્યા સવાલ
સમગ્ર મામલે કમિશનરનો ગેટ લોસ્ટ કહેતો વીડિયો વાયરલ થયો છે. વીડિયોમાં જોઈ શકાય છે કે લારી ધારકો નમ્રતાથી વાત કરી રહ્યા છે. પરંતુ કમિશનર ઉશ્કેરાઈને તેમને ત્યાથી કાઢી મુકે છે. જેથી આ મુદ્દે કમિશનર સામે હવે ઘણા સવાલો ઉઠી રહ્યા છે.
આવું વર્તન કમિશનરને શોભા આપે ખરી ?
સૌથી પહેલાતો આ મામલે એ સવાલ ઉઠી રહ્યા છે કે આખરે લારી ધારકો સામે મનપા કમિશનરે આવું વર્તન શા માટે કર્યું? સાથેજ શું રજૂઆત કરવા આવતા લોકો સામે શું આવું વર્તન કમિશનરને શોભા આપે છે ? કમિશનરે વાત સાંભળવાની જગ્યાએ લારી ધારકોને ગેટલોસ્ટ કહી દીધું જેથી તે કેટલું યોગ્ય કહેવાય?
લોકોમાં રોષનો માહોલ
ઉલ્લેખનીય છે કે મનપા કમિશનરનો આ વીડિયો સોશિયલ મીડિયામાં વાયરલ થયો છે. જેના કારણે તેમની સામે ઘણા સવાલો ઉઠી રહ્યા છે. વીડિયોમાં જોઈ શકાય છે કે શાતિથી રજૂઆત કરતા લારી ધારકો સામે કમિશનર કેવી રીતે વાત કરી રહ્યા છે. જેથી આ વીડિયો વાયરલ થયા બાદ લોકોમાં રોષ પણ ફેલાયો છે.