ઇન્ડીયન આર્મી! / આ છે ભારતીય સેનાની તાકાત! 55 વર્ષના 'જવાને' માઇનસ ૩૦ ડિગ્રીમાં 60 પુશ અપ કરી બતાવ્યા! VIDEO જોઈને કરશો સલામ

• હિમવીર યોદ્ધાઓેને સલામ
• માઇનસ ડિગ્રી તાપમાનમાં ITBP જવાનના દિલધડક કરતબ
• એક સાથે 65 પુશઅપ્સ કરીને સૌને ચોંકાવી દીધા 

દેશ માટે પોતાના જીવની પણ પરવાહ કર્યા વિના વીર જવાનો ખડેપગે સરહદ પર ફરજ નિભાવી રહ્યા છે. પરિસ્થિતિ ગમે તે હોય પરંતુ દેશ માટે કંઇ પણ કરી છૂટવાની ભાવના દરેક જવાનોમાં જોવા મળે છે.  માઇનસ ડિગ્રીમાં ઠંડી હોય કે પછી  ધોખધમતો તાપ. આ વીર જવાનો ક્યાંક પાછા ન પડે. ત્યારે એક એવો વીડિયો સામે આવ્યો છે જેમાં વીર જવાનની બહાદુરી અને તાકાત આપણે વિચાર કરવા પર મજબૂર કરી દે. 

હિમવીર યોદ્ધાઓને સલામ

ભારતીય સેના કે જ્યાં શિસ્ત અને ગમે તે પરિસ્થિતિમાં દુશ્મન સામે લડવા માટેના પાઠ ભણાવવામાં આવે. આ માટે જવાનોને ખાસ તાલીમ આપવામાં આવે છે.   પરિસ્થિતિ ગમે તેટલી મુશ્કેલ હોય પરંતુ દેશની સુરક્ષામાં લાગેલા સૈનિકો પાછળ હટતા નથી. સૈનિકો માટે દેશની સામે ઉંમર અને સંજોગોથી કોઈ ફરક પડતો નથી. સરહદ પર તૈનાતી દરમિયાન સૈનિકો દેશની સેવામાં પોતાનો જીવ ન્યોછાવર કરવા તૈયાર હોય છે. આવો જ એક વીડિયો ઈન્ડો-તિબેટિયન બોર્ડર પોલીસ (ITBP) દ્વારા તેના ટ્વિટર હેન્ડલથી શેર કરવામાં આવ્યો છે.

17,500 ફૂટની ઊંચાઈએ સતત 65 પુશ-અપ કર્યા

ITBP દ્વારા શેર કરવામાં આવેલા એક વીડિયોમાં એક અધિકારી હાડ થીજવતી ઠંડીમાં અજીબોગરીબ કામ કરતા જોવા મળ્યા. ચોમેર બરફાચ્છાદિત વાતાવરણ, માઇનસમાં ઠંડી. આવી સ્થિતિમાં આપણે એક મિનિટ પણ ઉભા રહી એ તો થર થર કાંપવા લાગીએ.ત્યારે આ અધિકારીએ તો એક સાથે 65 પુશઅપ્સ કર્યા. વીડિયોમાં  દેખાતા અધિકારી ITBP કમાન્ડર રતન સિંહ સોનલ છે. તેણે જમીનથી 17 હજાર 500 ફૂટની ઊંચાઈ પર -30 ડિગ્રી સેલ્સિયસ તાપમાનમાં સતત 65 પુશ-અપ કરીને બધાને ચોંકાવી દીધા. 

Push-ups at icy heights...

ITBP Commandant Ratan Singh Sonal (Age- 55 years) completes more than 60 push-ups at one go at 17,500 feet at minus 30 degree celsius temperature around in Ladakh.#Himveers #FitIndia #FitnessMotivation pic.twitter.com/Fc6BnfmGqH

— ITBP (@ITBP_official) February 23, 2022

ITBPએ વીડિયો શેર કર્યો છે

ITBPએ તેના ઑફિશિયલ ટ્વિટમાં લખ્યું, કે  '55 વર્ષીય ITBP કમાન્ડન્ટ રતન સિંહ સોનલે લદ્દાખમાં 17 હજાર 500 ફૂટની ઊંચાઈ પર -30 ડિગ્રી સેલ્સિયસ ઠંડીમાં એક જ વારમાં 65 પુશ-અપ્સ પૂરા કર્યા.' તમને જણાવી દઈએ કે થોડા દિવસો પહેલા વધુ એક વીડિયો વાયરલ થયો હતો. આ વીડિયોમાં આર્મીની ટીમ બરફની ચાદરમાંથી રસ્તો કરતી જોવા મળી રહી છે. ત્યારબાદ ITBPએ વીડિયો શેર કર્યો અને લખ્યું, 'હિમાદ્રી તુંગ શ્રિંગ દ્વારા પ્રબુદ્ધ શુદ્ધ ભારતી. સ્વયંપ્રભા સમુજ્જવલા પુકારતી. ITBPનો હિમવીર ઉત્તરાખંડ હિમાલયની આસપાસ 15 ફૂટની ઊંચાઈએ સબ-ઝીરો તાપમાનનો સામનો કરી રહ્યો છે. હિંમત, ખંત, સમર્પણ.

Indo-Tibetan Border Police (ITBP) central mountaineering team scaled Mount Karzok Kangri in Ladakh on 20th Feb in extreme weather conditions where the minimum temperature is -40 degrees celsius these days. This was the first-ever ascent to Mount Karzok Kangri. pic.twitter.com/FUSxMwjFh5

— ANI (@ANI) February 23, 2022