IPLIN
 
  • Home
  • વિશ્વ
  • OMG
  • video of flood in saudi arabia viral, How did the flood came in a drought-stricken area?

ગજબ કુદરત / સૂકાભઠ સાઉદી અરેબિયામાં કેમ આવ્યું પૂર? રણમાં વહેતી નદી જોઈ લોકો થયા દંગ, કાર સાથે માણી મજા

Team VTV 06:08 PM, 18 Jan 23
Follow us
video of flood in saudi arabia viral, How did the flood came in a drought-stricken area?

વાદી અલ-રૂમાહ જે સાઉદી અરેબિયાની સૌથી લાંબી નદીની છે જે છેલ્લા ઘણા સમયથી સૂકી હતી એ હાલ પૂરના પાણીથી છલકાઈ ગઈ છે.

  • સાઉદી અરેબિયાના પૂર્વ ભાગોમાં ભારે વરસાદને કારણે પૂર આવ્યું 
  • લોકોએ આ આપદામાં અવસર શોધી કાઢ્યો
  • પુરગ્રસ્ત વિસ્તારનો એક ડ્રોન વિડીયો હાલ વાયરલ

સાઉદી અરેબિયા જે રણ વિસ્તાર માટે સૌથી વધુ જાણીતું છે હાલ તેના પૂર્વ ભાગોમાં ભારે વરસાદને કારણે આવેલા પૂરને કારણે જનજીવન ખોરવાઈ ગયું છે. પૂરના કારણે ઘણા ઘરો સંપૂર્ણપણે પાણીમાં ડૂબી ગયા હતા તો કેટલાક ઘરોને નુકસાન થયું હતું. આ સાથે જ અનેક જગ્યાએ વાહનો પાણીમાં ફસાયા છે. એકંદરે પૂરના કારણે ખાનગી અને જાહેર મિલકતોને ઘણું નુકસાન થયું છે. 

જો કે સાઉદી અરેબિયાના અમુક હિસ્સામાં લોકોએ આ આપદામાં અવસર શોધી કાઢ્યો છે. રણ માટે પ્રખ્યાત સાઉદી અરેબિયા હાલ પૂરના કારણે હેડલાઇન્સમાં છે. જણાવી દઈએ કે વાદી અલ-રૂમાહ જે સાઉદી અરેબિયાની સૌથી લાંબી નદીની છે જે છેલ્લા ઘણા સમયથી સૂકી હતી એ હાલ પૂરના પાણીથી છલકાઈ ગઈ છે. કાસિમ ક્ષેત્રના પૂર્વ ભાગમાં બે અઠવાડિયાના ભારે વરસાદ બાદ 600 કિલોમીટરમાં ફેલાયેલી આ ખાડીમાં હાલ પૂરની પરિસ્થિતિ સર્જાઇ છે. 

સાઉદી અરેબિયાના આ પુરગ્રસ્ત વિસ્તારનો એક ડ્રોન વિડીયો હાલ વાયરલ થયો છે જેમાં ત્યાંના સ્થાનિક લોકો આ આપદામાં પણ ફરવાનો અવસર શોધીને તેનો લુફ્ત ઉઠાવી રહ્યા છે. ઘણા સહેલાણીઓ આ રણ વિસ્તારમાં લોંગ ડ્રાઈવ માટે નીકળી પડ્યા છે. આ સાથે જ આરબ લોકો આ પૂરના પાણીમાં હાલ બોટિંગની પણ મજા માણી રહ્યા છે. જણાવી દઈએ કે આ નદીનો વિસ્તાર લગભગ 600 કિલોમીટર જેટલો લાંબો છે અને હાલ તેનો આ ડ્રોન વિડીયો સોશ્યલ મીડિયા પર ઘણો વાયરલ થઈ રહ્યો છે. 

સાઉદી અરેબિયા વાદી અલ-રુમ્માહ Saudi Arabia Wadi Al-Rummah river
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ