સના મરીને ડ્રગ્સ લેવાના મામલે સ્પષ્ટતા કરતા કહ્યું છે કે, પાર્ટી દરમ્યાન તેમણે માત્ર દારૂ પીધો હતો.
ફિનલેન્ડના વડાપ્રધાન સના મરિનનો પાર્ટી કરતા વીડિયો વાયરલ
વિપક્ષી નેતાઓએ વીડિયોને લઈને સના મરીનને ઘેરવાનું શરૂ કર્યું
વિપક્ષ દ્વારા સના મરીનના ડ્રગ ટેસ્ટની પણ માંગ કરવામાં આવી
સના મરીને કહ્યું, પાર્ટી દરમ્યાન મે માત્ર દારૂ જ પીધો હતો
ફિનલેન્ડના વડાપ્રધાન સના મરિનનો પાર્ટી કરતા વીડિયો વાયરલ થયા બાદ વિવાદ થયો છે. આ સાથે ફિનલેન્ડના વિપક્ષી નેતાઓએ પણ આ વીડિયોને લઈને સના મરીનને ઘેરવાનું શરૂ કરી દીધું છે. આ સાથે તેમની પાસેથી ડ્રગ ટેસ્ટની પણ માંગ કરવામાં આવી રહી છે. જોકે સના મરીને ડ્રગ્સ લેવાના મામલે સ્પષ્ટતા કરતા કહ્યું છે કે, પાર્ટી દરમ્યાન તેમણે માત્ર દારૂ પીધો હતો.
સોશિયલ મીડિયા પર વાયરલ થઈ રહેલા સના મરીનના વીડિયોમાં તે તેના મિત્રો સાથે ડાન્સ કરતી અને ગાતી જોવા મળી રહી છે. આ વીડિયોને લઈને સોશિયલ મીડિયા પર વિવિધ પ્રતિક્રિયાઓ આવી રહી છે. આ તરફ પીએમ સના મરીને પોતાના લીક થયેલા વિડિયો વિશે કહ્યું હતું કે, તેમને ખબર હતી કે તેમનો વીડિયો બનાવવામાં આવી રહ્યો છે. પરંતુ તેમનો વીડિયો સાર્વજનિક કરવામાં આવ્યો તેનાથી તેમને દુઃખ છે.
શું કહ્યું ફિનલેન્ડના વડાપ્રધાને ?
ફિનલેન્ડના વડાપ્રધાન સના મારિને કહ્યું કે હા તેણે પાર્ટી કરી, ડાન્સ કર્યો અને સિંગિંગ પણ કર્યું. આ બધી સંપૂર્ણપણે કાયદાકીય બાબતો છે. આ સર્ગે ડ્રગ્સના આરોપો પર તેમણે કહ્યું કે, એવો ક્યારેય નથી બન્યું કે, તે ડ્રગ્સ કરતી જોવા મળી હોય અથવા તે કોઈ ડ્રગ એબ્યુઝરને ઓળખતી હોય. પત્રકારો સાથેની વાતચીત દરમિયાન પીએમ સના મરીને પોતાનો બચાવ કરતા કહ્યું કે, તેમની પાસે પારિવારિક જીવન છે, વ્યવસાયિક જીવન છે અને તેમની પાસે થોડો ફ્રી સમય પણ છે જેમાં તે પોતાના મિત્રો સાથે વિતાવી શકે છે. સના મરીને વધુમાં કહ્યું કે તેને લાગે છે કે તેણે પોતાના વર્તનમાં કોઈ ફેરફાર કરવાની જરૂર નથી. તેણીએ વધુમાં કહ્યું કે, તે હંમેશા જેવી હતી તેવી જ રહેશે.
Finland’s Prime Minister @MarinSanna is in the headlines after a video of her partying was leaked today.
She has previously been criticized for attending too many music festivals & spending too much on partying instead of ruling.
આ તરફ ફિનલેન્ડના વિપક્ષી નેતા રીકા પુરાએ સના મરીન વીડિયો લીક મામલે આકરા પ્રહારો કર્યા છે. વિપક્ષી નેતાનું કહેવું છે કે, ફિનલેન્ડના વડાપ્રધાન સન્ના મારિનને ડ્રગ ટેસ્ટ કરાવવો જોઈએ. આ સાથે વિરોધ પક્ષના અન્ય નેતાઓએ વડાપ્રધાન મરીન તેમજ મીડિયા પર નિશાન સાધ્યું હતું. તેમનું કહેવું છે કે, દેશની મહત્વપૂર્ણ આંતરિક બાબતોને છોડીને માત્ર પાર્ટીની જ વાત કરવામાં આવી રહી છે.
કોણ છે ફિનલેન્ડના વડાપ્રધાન સના મરીન ?
સના મરીન વિશ્વના સૌથી યુવા વડાપ્રધાન હોવાનું કહેવાય છે. તે ઘણી વખત પાર્ટીઓમાં મસ્તી કરતી જોવા મળ્યા છે. ગયા વર્ષે તેમને ક્લબમાં જવા માટે માફી પણ માંગી હતી કારણ કે, તે દરમ્યાન તે કોવિડ સંક્રમિત વ્યક્તિના સંપર્કમાં આવ્યા હતાં.