પુત્રવધુને તેના જ પતિ અને દિયર સામે મારપીટ કરવાનો આ વાયરલ વિડીયો ઘરમાં લાગેલ સીસીટીવી કેમેરામાં રેકોર્ડ થઈ ગયો...
પુત્રવધુને તેના જ પતિ અને દિયર સામે મારપીટનો એક વિડીયો વાયરલ
2018માં મહિલાએ તેના પતિ સાથે લગ્ન કરીને નોઇડા શિફ્ટ થઈ હતી
વિડીયો ઘરમાં લાગેલ સીસીટીવી કેમેરામાં રેકોર્ડ થઈ ગયો હતો
લગ્ન પછી મહિલા તેના સાસરિયાંમાં જાય છે અને તેના પતિના માતા-પિતાને તેના માતા-પિતાની દરજ્જો આપે છે. પણ દરેક લોકો આ સંબંધોનું માન સારી રીતે જાળવી શકતા નથી. ઉતરપ્રદેશના નોઇડામાંથી એક ચોંકાવનારી ઘટના સામે આવી છે. જેમાં એક વ્યક્તિ તેના દીકરાની પત્ની એટલે કે તેની પુત્રવધુને તેના જ પતિ અને દિયર સામે મારપીટ કરતાં નજર આવે છે. આ વિડીયો ઘરમાં લાગેલ સીસીટીવી કેમેરામાં રેકોર્ડ થઈ ગયો છે. નોઇડા સેક્ટર 121ની એક સોસાયટીથી રિપોર્ટ કરવામાં આવેલ એક વિડીયોમાં મહિલા અને તેના સસરા વચ્ચે કોઈ વાતને લઈને માથાકૂટ થાય છે અને જેમ જેમ માથાકૂટ વધે છે એમ અચાનક એ વ્યક્તિ તેની પુત્રવધુને માર મારવા લાગે છે.
2018માં થયા હતા લગ્ન
વર્ષ 2018માં મહિલાએ તેના પતિ સાથે લગ્ન કરીને નોઇડા શિફ્ટ થઈ ગઈ હતી. એ મહિલા બિહારના મુઝફ્ફરપૂરની રહેવાસી છે અને વર્ષ 2018માં તેને વિવેક કુમારનામના વ્યક્તિ સાથે લગ્ન કર્યા હતા અને એ પછી તે નોઇડામાં તેના પતિ સાથે રહેતી હતી.
4 વર્ષથી સહન કરતી આવે છે મહિલા
વિડીયો વાયરલ થાય પછી એ મહિલાનો આરોપ છે કે છેલ્લા ચાર વર્ષથી તે ઘરેલુ હિંસાનો સામનો કરી રહી છે અને તેનું કહેવું છે કે લગ્ન પછી તેનો પતિ, સસરો અને તેનો દિયર તેની સાથે મારપીટ કરે છે.
આટલા દિવસ પહેલાની ઘટના
વિડીયો વાયરલ થાય પછી પોલીસ તપાસમાં સામે આવ્યું હતું કે આ ઘટના 6 દિવસ પહેલાની એટલે કે 10 ઓગસ્ટના બની હતી. મહિલા સાથે જ્યારે મારપીટ થઈ ત્યારે એ સમયે ઘરમાં તેની બહેન, ભાઈ અને તેની મા હાજર હતા અને એ છતાં પણ તેના સસરાએ તેની સાથે મારપીટ કરી હતી.
પિતા અને બંને દીકરા ફરાર
ઘટના વાયરલ થયા પછી અને મહિલાએ પોલીસમાં ફરિયાદ કર્યા પછી પોલીસ એક્શનમાં આવે એ પહેલા જ મારપીટ કરનાર મહિલાનો સસરો, પતિ અને દિયર ત્રણેય ફરાર થઈ ગયા હતા. હાલ પોલીસ તેને શોધી રહી છે.