જામકંડોરણા પંથકના ચિત્રાવડમાં વિજય સરઘસ દરમિયાન દારૂ પીવડાવ્યાનો વીડિયો વાયરલ થતાં સરપંચે કહ્યું શરબત હતું
ચિત્રાવડમાં વિજય સરઘસનો વીડિયો
જીતની ખુશીમાં ઢોલીને પીવડાવ્યો દારૂ?
જીતની ખુશીમાં ખુલ્લેઆમ દારૂનું વિતરણ?
ગુજરાતમાં આ શું થઈ રહ્યું છે. ક્યાંય ચૂંટણીની જીતની ખુશીમાં પાકિસ્તાન જિંદાબાદના નારા લાગી રહ્યા છે તો ક્યાંય જીતના સરઘસમાં ખુલ્લેઆમ દારૂની રેલમછેલ થતી હોય તેવા કથિત વીડિયો વાયરલ થઈ રહ્યા છે. વાત છે રાજકોટના જામકંડોરણા પંથકની, ગઈ કાલે ગ્રામ પંચાયતની ચૂંટણીમાં જીત બાદ ચિત્રાવડમાં વિજય સરઘસ નીકળ્યું હતું. તેમાં એક પ્લાસ્ટિકની બોટલમાં દારૂ ભરેલીને ઢોલ વગાડતા શખ્સને પીવડવામાં આવતો હોવાની વાત વહેતી થયા અનેક સવાલો ઊભા થયા છે.
જીતની ખુશીમાં ઢોલીને પીવડાવ્યો દારૂ
રાજકોટમાં જામકંડોરણા પંથકના ચિત્રાવડમાં વિજય સરઘસનો વીડિયો સોશિયલ મીડિયામાં ખૂબનો વાયરલ થઇ રહ્યો છે. દાવા કરાઇ રહ્યો છે કે જીતની ખુશીમાં ઢોલીને ખુલ્લેઆમ દારૂ પીવડાવવામાં આવી રહ્યો હતો. સરપંચ બન્યાની ખુશીમાં ખુલ્લેઆમ દારૂનું વિતરણ પણ થયું હતું. ત્યારે સવાલ એ છે કે જો વાયરલ વીડીયોમાં જો કોઈ તથ્ય હોય અને જો બોટલમાં દારૂ જ હોય તો કાર્યવાહી થવી જરૂર છે.સોશિયલ મીડિયામાં વાયરલ વીડિયોનું VTV પુષ્ટિ કરતું નથી
VTV ગુજરાતીના સળગતા સવાલ
જીતના જશ્નમાં કેમ ભૂલી ગયા ભાન?
સરપંચની જીતની ખુશીમાં ખુલ્લેઆમ દારૂનું વિતરણ કેમ?
શું તંત્રને આ અંગે કોઇ જાણ નથી?
પોલીસ આ લોકો સામે કડક કાર્યવાહી કરશે?
શું પોલીસ આ લોકો સામે કાર્યવાહી કરવાથી ડરે છે?
શું આ લોકોને કાયદાનો જરા પણ ડર નથી?
દારૂ નહીં શરબત હતું, કોઈ ગામના વિધ્નસંતોષીએ દારૂનું કહી વીડિયો વાયરલ કર્યો: નિલેશ પાનસૂરિયા , સરપંચ
સમગ્ર મામલે VTVએ ચિત્રાવડ ગામના સરપંચ સાથે વાત કરતાં તેમણે ખૂલસો કર્યો છે કે સરઘસ દરમિયાન શરબત આપવામાં આવ્યું હતું ઢોલી ઢોલ વગાડતો હતો એટલે તેણે પ્લાસ્ટિકની બોટલમાં શરબત પીવડાવ્યું હતું જેનો ખોટો ઉપયોગ કરી ગામના વિધ્નસંતોષી કોઈએ દારૂ પીવડાવ્યો છે એમ કહી વીડિયો વાયરલ કર્યો છે. સમગ્ર મામલે તપાસ થવી જરૂરી છે. અમે કોઈને દારૂ પીવડાવ્યો નથી.
કચ્છમાં લાગ્યા પાકિસ્તાનના સમર્થનમાં નારા
તો બીજી તરફ ગ્રામ પંચાયતની ચૂંટણીમાં જીત બાદ ઉમેદવારના સમર્થકોએ પાકિસ્તાન જિંદાબાદના નારા લગાવ્યા હતા. આ વીડિયોમાં જોવા મળી રહેલા ઉમેદવાર અને સમર્થકો કચ્છના દૂધઈ ગામના વતની હોવાનું પ્રાથમિક અનુમાન લગાવવામાં આવી રહ્યું છે. વીડિયો વાયરલ થતાં જ ગુજરાતના રાજકારણમાં ગરમાવો જોવા મળ્યો છે અને પૂર્વ કચ્છ પોલીસ તાત્કાલિક અસરથી એક્શનમાં આવીને સમગ્ર મામલે કડક તપાસ હાથ ધરી છે. આ વીડિયો કેટલાક લોકો દ્વારા પાકિસ્તાનના સમર્થનમાં નારા લગાવી રહ્યા છે. જો કે, VTV આ વીડિયોની પુષ્ટિ કરતું નથી.