ભરૂચમાં કોરોનાનો કહેર વધી રહ્યો છે પરંતુ કોવિડ નિયમોનો સરેઆમ ભંગ થઈ રહ્યો છે
ભરૂચમાં કોરોના ગાઈડલાઈનના ધજાગરા
વાલિયાના સોડગામમાં DJ પાર્ટીનો વીડિયો વાયરલ
મોટી સંખ્યામાં યુવાનો DJના તાલે ઝુમ્યા
એક તરફ રાજ્યમાં કોરોનાએ રફતાર પકડી છે તેમાં પણ ભરૂચમાં તો કોરોનાના કેસ સતત વધી રહ્યા છે. આ તમામ વચ્ચે કોરોનાના નિયમોને ઘોળીને પી જતા હોય તેવી ઘટનાનો વીડિયો વાયરલ થયો છે. આ વીડિયો છે ભરૂચના વાલિયાના સોડગામનો છે કે,આ વીડિયોમાં મોટી સંખ્યામાં લોકો ડીજેના તાલે ઝૂમી રહ્યા છે. પરંતુ આ લાપરવાહી ભારે પડી શકે છે. ઉલ્લેખનીય છે કે, ભરૂચ સહિત સમગ્ર રાજ્યમાં સભા સરઘસ પર પ્રતિબંધ છતાં નિયમોનું ઉલ્લંઘન વારંવાર થયું હોય છે. બીજી તરફ વાયરલ વીડિયોને પગલે ડીજે સહિત પાર્ટીના સંચાલકો સામે કાયદેસરની કાર્યવાહી હાથ ધરવામાં આવી છે.
સળગતા પ્રશ્નો
- લોકો કોરોનાની ગંભીરતાને ક્યારે સમજશે?
- એક તરફ કોરોનાના કેસ વધે છે બીજી તરફ આવી ભીડ કેમ?
- આટલી મોટી ભીડ થશે તો કોરોના ફેલાતો કેમ અટકશે?
- આવી DJ પાર્ટીનું આયોજન કરતા લોકો સામે કાર્યવાહી કરાશે?
- વધતા કોરોનાના કેસ વચ્ચે આવી બેદરકારી કેમ?
- કોરોના સામે બેદરકારી ભારે પડી શકે છે તે કેમ ભૂલી રહ્યાં છો?
- આવી પાર્ટીથી કોરોના ફેલાશે તો જવાબદાર કોણ?
- કોરોનાની ગાઇડલાઇનનું પાલન કેમ નહીં?