IPL 2022 / IPL પહેલા સુરતમાં CSKનું શક્તિ પ્રદર્શન, હળવા મૂડમાં દેખાયો ધોની, જુઓ VIDEO

• IPLની શરૂઆત થશે 26 માર્ચથી 
• ચેન્નાઈ સુપરકિંગ્સ તૈયારીઓમાં 
• ધોનીએ બેટને ધાર આપી 

IPLની શરૂઆત થશે 26 માર્ચથી 

IPL 2022 નું શેડ્યુલ જાહેર થઇ ગયું છે. જેની શરૂઆત 26 માર્ચથી થવા જઈ રહી છે. પહેલી મેચમાં મુંબઈના વાનખેડે સ્ટેડિયમમાં ચેન્નાઈ સુપરકિંગ્સનો સામનો કોલકાતા નાઈટ રાઈડર્સ સાથે થશે. ચેન્નાઈ સુપરકિંગ્સે તૈયારીઓ શરુ કરી ડીસી છે. આ ટીમ સુરતમાં લાલભાઈ કોન્ટ્રાક્ટર સ્ટેડિયમમાં પ્રેક્ટીસ કરી રહી છે. ફ્રેન્ચાઇઝીએ પ્રેક્ટિસ સેશનનો એક વીડિયો જાહેર કર્યો છે જેમાં ટીમના કેપ્ટન મહેન્દ્ર સિંહ ધોની (MS Dhoni) અને બાકીના ખેલાડીઓ તૈયારી કરતા જોવા મળે છે. 

ટીમના આનુક ખેલાડીઓ રાષ્ટ્રીય ટીમમાં વ્યસ્ત છે જેમાના એક છે રવીન્દ્ર જાડેજા જે હાલમાં શ્રીલંકા સામે ટેસ્ટ સીરીઝમાં ભાગ લઇ રહ્યા છે. ટીમે ધોનીની દેખરેખમાં અને બોલિંગ કોચ લક્ષ્મીપતિ બાલાજીના માર્ગદર્શન હેઠળ પ્રેક્ટિસ કરી હતી.

ચેન્નાઈ સુપરકિંગ્સ તૈયારીઓમાં 

ચેન્નાઈ આ સીઝનમાં ડીફેન્ડીંગ તરીકે આવશે અને પોતાના ટાઈટલને બચાવવાનો પ્રયાસ કરશે. આ વખતે IPLનાં લીગ તબક્કાની મેચ મુંબઈ અને પૂણેના ત્રણ સ્ટેડિયમમાં રમાશે. વાનખેડે ઉપરાંત, બ્રેબોર્ન સ્ટેડિયમ અને ડીવાય પાટીલ સ્ટેડિયમ તેમજ પુણેમાં MCA સ્ટેડિયમમાં IPLનું આયોજન કરાશે. 

ધોનીએ બેટને ધાર આપી 
આ વીડિયોમાં ધોની તેના બેટની ધારને ધારદાર કરતો જોવા મળે છે. તેણે પ્રેક્ટીસ સેશન પર બારીક નજર રાખી હતી. અન્ડર 19 ટીમ સાથે વર્લ્ડ કપ જીતનાર રાજવર્ધન હેંગરવરકરે પણ નેટ્સમાં ભારે પરસેવો પાડ્યો હતો. 

દીપક ચહરની ગેરહાજરી 
સીઝનની શરૂઆત પહેલા જ ચેન્નાઈને મોટો ફટકો પડ્યો છે. ટીમનો સ્ટાર પ્લેયર દીપક ચહર ઈજાના કારણે IPLની શરૂઆતની મેચમાંથી બહાર થઇ ચુક્યા છે. તેમને 14 કરોડમાં ખરીદવામાં આવ્યા હતા. આવમાં, ધોની માટે દીપકનો વિકલ્પ શોદ્વાનોપ મોટો પડકાર રહેશે. ટીમે તેના મોટાભાગના ખેલાડીઓને પોતાની સાથે જાળવી રાખ્યા હતા.

ફાફ ડુ પ્લેસિસ આ સિઝનમાં ટીમ સાથે નહીં હોય કારણ કે રોયલ ચેલેન્જર્સ બેંગ્લોરે તેને હરાજીમાં સામેલ કર્યો છે. સુરેશ રૈના પણ આ વખતે ટીમ સાથે નથી કારણ કે ટીમે તેને ખરીદ્યો નથી.