જુહાપુરામાં કારનો દરવાજો ખૂલો રાખી જાહેર રસ્તા પર સ્ટંટ કર્યો, જાગૃત નાગરિકે વીડિયો ઉતારી પોલીસને આપતા થઈ કાર્યવાહી
જુહાપુરામાં કાર સ્ટન્ટનો વીડિયો વાયરલ
કારનો દરવાજો ખુલ્લો રાખી કર્યો સ્ટન્ટ
ટ્રાફિક પોલીસે કરી ધરપકડ
અમદાવાદના જુહાપુરામાં કારમાં સ્ટન્ટ થતો હોવાનો વીડિયો વાયરલ થયો છે. ગર્વન્મેન્ટ ઓફ ગુજરાતની ગાડીનો ડ્રાઈવર દરવાજો ખુલ્લો રાખીને બેફામ રીતે ડ્રાઈવ કરતો હતો. જેનો જાગૃત નાગરિકો વીડિયો બનાવીને પોલીસને જાણ કરી હતી. જેના આધારે ટ્રાફિક પોલીસે ડ્રાઈવરની ધરપકડ કરીને આગળની કાર્યવાહી હાથધરી છે.
અન્ય વાહન ચાલકોના જીવ તાળવે ચોટયા
મહત્વનું છે કે રાત્રીના સમયે ઘણી બાઈક કે કાર સવાર યુવકો જોખમી સ્ટંટ કરતાં હોય છે. જાહેર રસ્તા પર અન્ય લોકો પણ પસાર થતા હોય છે તે સમયે ડિંગ હાંકવા આ કરતૂતો કરી નબીરાઓ આવા સ્ટંટથી પોતાનો અને અન્ય વાહન ચાલકનો જીવ જોખમમાં મૂકતાં હોય છે.
VTVગુજરાતીના સળગતા સવાલ
રસ્તા પર આવા જોખમી સ્ટંટ કરવા કેટલા યોગ્ય?
આવા જોખમી સ્ટંટ કરતા સમયે કોઈને ઈજા પહોંચે તો કોણ જવાબદાર?
સ્ટંટની મજામાં લોકોના જીવ સાથે ચેડા કેમ કરો છો?
પોલીસે આવા સ્ટંટબાજોને પાઠ ક્યારે ભણાવશે?
જોખમી સ્ટંટ કરનારા ચાલકોનું લાયસન્સ રદ કેમ નથી કરતાં?
આવી સસ્તી પ્રસિદ્ધિ જીવ લઈ જશે
આજકાલના યુવકો સસ્તી પ્રસિદ્ધિ માટે પોતાનો જીવ જોખમમાં મુકતા પણ અચકાતા નથી.સોશિયલ મીડિયામાં માત્ર લાઇક્સ મેળવવા માટે કેટલાક યુવકો પોતાનો જીવ તો જોખમમાં મુકે જ છે. પણ ઉપરોક્ત બનાવમાં જાગૃત નાગરિકે વીડિયો બનાવી પોલીસ સમક્ષ આ સ્ટંટબાજને ઉઘાડો કર્યો હતો. ગાડી પર ગર્વન્મેન્ટ ઓફ ગુજરાત લેખલું હતું જેથી ડ્રાઈવર રૌફ બતાવવા આ સ્ટંટ કર્યો હોવાનું પ્રાથમિક દ્રષ્ટીએ જણાઈ આવે છે.