મતદારોને લાલચ / VIDEO: ભાડું ના આપતા હોં... બસમાં ચઢીને મુસાફરોને જુઓ કેવી 'રેવડી' આપી રહ્યા છે ભાજપ નેતા

• દાહોદના દેવગઢ બારિયાના ભાજપ ઉમેદવારનો વીડિયો વાયરલ
• મતદારોને લાલચ આપતા નજરે પડ્યા બચુ ખાબડ
• બસમાં બેઠેલા મુસાફરોને ભાડું નહીં આપવાનું કહીને આપી લાલચ

ગુજરાત વિધાનસભાની ચૂંટણીનું બીજા તબક્કાનું મતદાન આવતીકાલે થવા જઈ રહ્યું છે. આ પહેલા સોશિયલ મીડિયામાં વાયરલ થયેલા વીડિયોના કારણે દાહોદ જિલ્લાના રાજકારણમાં ગરમાવો આવ્યો છે. દાહોદના દેવગઢ બારિયાના ભાજપના ઉમેદવાર બચુ ખાબડનો વીડિયો વાયરલ થયો છે. જેમાં તેઓ કહી રહ્યા છે કે, "કોઈએ ભાડું આપવાનું નથી બધાનું ભાડું હું આપી દઉં છું"

મતદારોને લાલચ આપતા નજરે પડ્યા ભાજપ ઉમેદવાર
આવતીકાલે દેવગઢ બારિયા સહિત મધ્ય ગુજરાત અને ઉત્તર ગુજરાતની 93 બેઠક પર ચૂંટણી યોજાવાની છે. મતદાનને ગણતરીની કલાકો જ બાકી છે, એવામાં દાહોદના દેવગઢ બારિયાના ભાજપના ઉમેદવાર બચુ ખાબડનો વીડિયો વાયરલ થયો છે. વીડિયોમાં તેઓ મતદારોને લાલચ આપતા જોવા મળી રહ્યા છે. આ વીડિયામાં ભાજપના ઉમેદવાર બચુ ખાબડ બસમાં બેઠેલા મુસાફરોનું ભાડુ આપીને મત માંગતા જોવા મળી રહ્યા છે. 

કોઈએ ભાડું આપવાનું નથી બધાનું ભાડું હું આપી દઉં છુંઃ બચુ ખાબડ
એક મુસાફરોથી ભરેલી બસની અંદર આવીને ભાજપના ઉમેદવાર કહી રહ્યા છે કે 'ભાડું તમારે કોઈએ આપવાનું નથી, બધાયુનું ભાડું આપી દઉં છું અને પરમદિવસે મત આપી આવજો બધાય.' બસમાં બેઠેલા કોઈ મુસાફર દ્વારા આ વીડિયો ઉતારવામાં હોય તેવું લાગી રહ્યું છે.  

જુઓ વીડિયો