ભાવનગરમાં આવેલ પાલીતાણા એસટી ડેપો પર એક મહિલા કંડકટરનો વીડિયો વાયરલ થયો છે. આ વીડિયોમાં એક શખ્સ મહિલાને વાળ પકડીને માર મારી રહ્યો છે. જેથી આ વીડિયો સોશિયલ મીડિયા પર ચર્ચાનું કેન્દ્ર બન્યો છે.
ભાવનગરમાં મહિલા કંટકટરનો વીડિયો વાયરલ
વાળ ખેંચીને યુવકે મહિલાને માર્યા લાફા
વીડિયો વાયરલ થયા બાદ લોકોમાં રોષનો માહોલ
ભાવનગર પાલિતાણમાં આવેલ એસટી ડેપો પર મહિલા કંડકટર સાથે એક યુવકની બબાલ થઈ હતી., જેનો વીડિયો હાલ સોશિયલ મીડિયા પર વાયરલ થયો છે. આ વીડિયો જોઈને લોકોમાં રોષ ફેલાયો છે. કારણકે યુવક મહિલા કંડકટરને વાળ ખેંચીને માર મારી રહ્યો છે.
મહિલા એસટી ડેપો પર કંડકટર
આ બનાવને લઈને જો વિગતવાર વાત કરવામાં આવે તો મહિલા એસટી ડેપોમાં કંડકટર તરીકે ફરજ બજાવે છે. બનાવ સમયે મહિલા ફરજ પર હતી ત્યારે એક યુવક ત્યા પહોચે છે. જે પહેલા તો મહિલા કંડકટરને અપશબ્દો બોલે છે. બાદમાં તેના વાળ પકડીને તેની પાસે રહેલી કિટ જોરથી તેના માથે મારે છે.
કોઈએ પણ યુવકને ન રોક્યો
માથા પર કીટ માર્યા બાદ યુવક તેને લાફાઓ પણ મારે છે. બનાવ સમયે મહિલના સહકર્મીઓ પણ ત્યા ઉભા હતા. પરંતુ વીડિયોમાં આપ જોઈ શકો છો કે એક પણ વ્યક્તિ મહિલાને બચાવા માટે કે પછી યુવકને રોકવા માટે આગળ નથી આવી રહ્યો. જેથી આ વીડિયો સોશિયલ મીડિયા પર વાયરલ થયા બાદ ઘણા સવાલો ઉઠી રહ્યા છે.
યુવક મહિલાનો પ્રેમી હોવાની આશંકા
એક મુલાકાતી કચેરીમાં આવ્યો ત્યારે તેણે આ ઘટનાનો વીડિયો બનાવી લીધો હતો. એવી આશંકા સેવાઈ રહી છે કે જે યુવકે મહિલા પર હુમલો કર્યો હતો. તે યુવક મહિલા કંટકટરનો પ્રેમી હતો તેવી આશંકા સેવાઈ રહી છે.
ત્રણ ચાર દિવસ જૂનો વીડિયો હોવાની આશંકા
ઉલ્લેખનીય છે કે આ વીડિયો ત્રણથી ચાર દિવસ જૂનો છે તેવી માહિતી સામે આવી છે. સાથેજ આ યુવક કોણ છે અને તેણે મહિલા કંડકટર પર હુમલો શા માટે કર્યો હતો તેને લઈને હજુ કોઈ પણ ચોક્કસ પ્રકારની માહિતી સામે નથી આવી શકી. પરંતુ સોશિયલ મીડિયા પર આ વીડિયો હાલમાં ઘણો વાયરલ થયો છે.