સોશિયલ મીડિયા પર એક વીડિયોએ જોરદાર ચર્ચા જગાવી છે. કારણકે આ વીડિયોમાં કેદ થયો છે એક ભિખારી જે વિમાનમાં ભીખ માગી રહ્યો છે. આ વીડિયો લાખો લોકો અત્યાર સુધીમાં જોઇ ચુક્યા છે. ઘણા લોકોએ શેર પણ કર્યો છે.
કારણકે વિમાનમાં ભીખ માગતા આ શખ્સે ઘણા સવાલો પણ ઉભા કર્યા છે કે આ વીડિયો ક્યાનો છે. આ શખ્સ કઇ રીતે વિમાનમાં ભીખ માગવા માટે પહોંચી ગયો. સોશિયલ મીડિયા પર કેટલાક લોકો આ વીડિયો પાકિસ્તાનના કરાચીથી બેંગકોક જતી ફ્લાઇટનો હોવાની વાત કહી રહ્યા છે.
પરંતુ આ વીડિયો અંગે તપાસ કરતા માલુમ પડયું કે વીડિયો દોહાથી શિરાઝ જતી ફ્લાઇટનો છે. જે શખ્સ ભીખ માગી રહ્યો છે તે ઇરાનનો નાગરીક છે. આ શખ્સ પાસે ઓછા પૈસા હતા. એટલે તેણે ફ્લાઇટમાં ચઢ્યા બાદ અન્ય પેસેન્જર પાસે પૈસા માગવા લાગ્યો.
જેના કારણે માત્ર પેસેન્જર જ નહી પરંતુ ફ્લાઇટના ક્રુ મેમ્બર પણ વિચારમાં પડી ગયા. આખરે આ શખ્સને સમજાવીને તેની જગ્યાએ બેસાડી દેવામાં આવ્યો.