ડોક્ટરને ભગવાનનું બીજું રુપ ગણાય છે અને આ વાતનું વધું એક ઉદાહરણ સામે આવ્યું છે. યુપીના આગરામાં મહિલા ડોક્ટર સુલેખા ચોધરીએ નવજાત બાળકને મોંથી સાત મિનિટ સુધી શ્વાસ આપીને બાળકનો જીવ બચાવી લીધો હતો.
આગરાના હેલ્થ સેન્ટરમાં અશક્ત બાળકીનો જન્મ
આગરાના કમ્યુનિટી હેલ્થ સેન્ટરમાં એક મહિલાની સામાન્ય ડિલિવરી થઈ હતી તેણે એક બાળકીને જન્મ આપ્યો હતો. પરંતુ જન્મ પછી તરત બાળકીને શ્વાસમાં લેવામાં તકલીફ પડવાનું શરુ થયું હતું. બાળકીના શરીરમાં પણ કોઈ જાતની હિલચાલ દેખાતી નથી. ડોક્ટરે તેને ઓક્સિજન સપોર્ટ પર રાખી હતી તેમ છતાં પણ તેનાથી કંઈ ફર્ક પડ્યો નહોતો. આ જોઈને ડોક્ટર ચોધરીએ તાત્કાલિક બાળકીને મોંએથી શ્વાસ આપવાનું શરુ કર્યું હતું લગભગ સાત મિનિટ સુધી ડોક્ટર આવું કરતા રહ્યું હતું અને ત્યાર બાદ બાળકીમાં જીવનનો સંચાર થયો હતો.
डॉक्टर सुलेखा चौधरी, पीडियाट्रीसियन, CHC, आगरा।
बच्ची का जन्म हुआ लेकिन शरीर में कोई हलचल नहीं थी।
बच्ची को पहले ऑक्सिजन सपोर्ट दिया, लेकिन जब उससे भी लाभ नहीं हुआ तो लगभग 7 मिनट तक ‘माउथ टू माउथ रेस्पिरेशन’ दिया, बच्ची में साँस आ गई।👏🏼❤️#Salute#Doctor#respectpic.twitter.com/1PQK8aiJXQ
ડોક્ટર ચોધરીએ ત્યાર બાદ બાળકીને જમીન પર સુવડાવીને તેને માલિસ કરવા લાગ્યા હતા અને આ રીતે તેમણે નવજાતનો જીવ બચાવી લીધો હતો. જેવું બાળકીએ શ્વાસ લેવાનું શરુ કર્યું કે તરત ડોક્ટરના ચહેરા પર હાસ્યનું મોજું ફરી વળ્યું હતું અને તેઓ બાળકની પીઠ થાબડવા લાગ્યા હતા.
વીડિયો થયો વાયરલ
આ ઘટનાનો એક વીડિયો વાયરલ થયો છે. લોકોએ આ વીડિયોની ખૂબ પ્રશંસા કરી છે. કેટલાક લોકોએ ડોક્ટરમાં ભગવાનું રુપ જોયું હતું. ઉલ્લેખનીય છે કે આ પહેલા પણ ડોક્ટર દ્વારા નવજાતને મોંઢેથી શ્વાસ આપીને જીવ બચાવવાનો વીડિયો વાયરલ થયા હતા.