સુરત: દેશમાં મહિલાઓની સુરક્ષા દિવસેને દિવસે ઘટી રહી છે ત્યારે મીટુ જેવા કેમ્પેઈને કારણે અનેક પિડીતાઓએ સામે આવીને જાહેરમાં પોતાની આપવીતી જણાવવાની હિમ્મત કરી છે. ત્યારે હજુ પણ એવી અનેક મહિલાઓ છે. જે કામના સમયે કે કામના સ્થળે શારીરિક શોષણનો ભોગ બને છે.
જોકે આવી મહિલાઓ પોતાના પર રહેલા માનસિક દબાણના કારણે ખુલીને સામે આવી શકતી નથી. કામના સ્થળે મહિલા સાથે શારિરીક છેડતીનો એક વિડીયો વાયરલ થયો છે. મહિલાની છેડતી કરતા શખ્સનો વિડીયો વાયરલ થયો છે.
એમ્બ્રોયડરીની ફેક્ટરીમાં કામદાર મહિલાને શારીરિક અડપલા કરતો શખ્સ કેમેરામાં કેદ થયો છે. આ વિડીયો સુરતનો હોવાની આશંકા સેવાઈ રહી છે.
આપને જણાવી દઇએ કે છેલ્લા કેટલાક સમયથી મીટૂ અભિયાન દ્વારા દેશ-વિદેશની મહિલાઓ પોતાની સાથે થયેલ યૌન શોષણની વાત દુનિયા સામે કરી રહી છે. ત્યારે આવા જ પ્રકારે સુરતના એક એમ્બ્રોયડરીની ફેક્ટરીમાં કામદાર મહિલા સાથએ શારિરીક અડપલા એક કામદાર દ્વારા કરવામાં આવી રહ્યા હોય તેવો એક VIDEO વાયરલ થયો છે.