ગણદેવી તાલુકાના અમલસાડ ગામના સાડા ત્રણ વર્ષનો છોકરો હનુમાન ચાલીસાનું પઠન કરતો હોય તેવો વિડીયો સોશિયલ મીડિયામાં વાયરલ થયો છે.
ગણદેવી તાલુકાના અમલસાડ ગામના સાડા ત્રણ વર્ષના છોકરાનો વીડિયો વાયરલ
નાનો છોકરો કરે છે હનુમાન ચાલીસાનું સડસડાટ પઠન
લોકો તેની કળાને મુક્તમને બિરદાવે છે
મીડિયામાં ખૂબ વાયરલ થઈ રહ્યો છે. ગ્લોબલાઇઝેશન યુગમાં, ટેકનોલોજીના ઝડપી વિકાસ અને આધુનિક જીવનશૈલીને અનુસારતા માતા-પિતા વિદ્યાર્થીઓને સારું શિક્ષણ આપવા માટેના પ્રયાસો કરી રહ્યા છે અને અંગ્રેજી માધ્યમનો ક્રેઝ દિવસે અને દિવસે વધી રહ્યો છે વિદ્યાર્થીઓ કડકડાટ અંગ્રેજી માધ્યમની કવિતાઓ તો ગાય છે પરંતુ ત્રણ ચાર વર્ષના નાના બાળકને હનુમાન ચાલીસાનું પાઠાંતર કરતા આપણે ભાગ્યે જ જોયું હશે.આધુનિક શિક્ષણના વધતા વ્યાપ વચ્ચે નવસારીના ગણદેવી તાલુકાના અમલસાડ ગામના એક નાનો છોકરો હનુમાન ચાલીસાનું પઠન કરતો વિડીયો સોશિયલ મીડિયામાં વાયરલ થયો છે.
બાળકના સંસ્કારને બિરદાવતા લોકો
આધુનિક શિક્ષણના રંગે રંગાયેલા દેશનો એક વર્ગ શિક્ષણ તરફ આંધળી ડોટ મૂકી રહ્યો છે. આધુનિક શિક્ષણના વ્યાપ વચ્ચે ગણદેવી તાલુકાના અમલસાડ ગામના એક નાનો છોકરો આરવ હનુમાન ચાલીસાનું સડસડાટ પઠન કરી શકે છે. જેનો વિડીયો સોશિયલ મીડિયામાં ધૂમ મચાવી રહ્યો છે. અંગ્રેજી માધ્યમનો ક્રેઝ દિવસેને દિવસે વધી રહ્યો છે. બાળકો અંગ્રેજી માધ્યમની કવિતાઓ ગાય જાણે છે પરંતુ પ્રાચીન સંસ્કૃતિ અને શિક્ષણ ભુલાઈ રહ્યું છે ત્યારે ગણદેવી તાલુકાના અમલસાડ ગામમાં રહેતો સાડા ત્રણ વર્ષનો આરવ હનુમાન ચાલીસાનું પઠન કરે છે. જેનો એક વિડીયો સોશિયલ મીડિયામાં વાયરલ થઇ રહ્યો છે જેથી લોકો તેની કળાને મુક્તમને બિરદાવે છે.
હનુમાન ચાલીસા સાથે ગાયત્રી મંત્ર અને અન્ય શ્લોકનું પણ પઠન
માતા પિતા કંઇક જુદી જુદી રીતે એની કેળવણી કરી રહ્યા છે તેઓ રાત્રના અને બપોરે આરામ કરતી વખતે એને હનુમાન ચાલીસા સંભળાવતા હતા જેનું રટણ કરતા કરતા આજે સાડા ત્રણ વર્ષનો આરવ જાતે જ હનુમાન ચાલીસા બોલતો થઈ ગયો છે. હનુમાન ચાલીસાની સાથે સાથે તે ગાયત્રી મંત્ર અને અન્ય શ્લોક પણ બોલે છે. નાના ટાબરીયાઓ અંગ્રેજી કવિતા અને ફિલ્મી ગીતો સૌથી વધુ ગાતા હોય છે પરંતુ અમલસાડ ગામનો આ દીકરો હનુમાન ચાલીસાની સાથે સાથે અન્ય શ્લોકોનું પઠણ પણ કરે છે.