વલસાડ / 165 ખેડૂતોની જમીન છોડી તો મારી કેમ નહીં છોડે? મામલતદારને તો હું... વૃદ્ધે ગુજરાતના મંત્રી સામે જુઓ શું ઉચ્ચારી ચિમકી

• વલસાડના મહેસૂલ મેળામાં ખેડૂતે મામલતદારને ખખડાવ્યા 
• મહેસૂલ મંત્રીને સામે ખેડૂતે મામલતદારને ખખડાવ્યા 
• સોશિયલ મીડિયામાં ઘટનાનો વીડિયો થયો વાયરલ 

વલસાડમાં મહેસૂલ મેળામાં એક ખેડૂતે મામલતદારને ખખડાવ્યા છે. જેનો વીડિયો હાલ સોશિયલ મીડિયા પર ચર્ચાનો મુદ્દો બન્યો છે. મેળામા મહેસૂલ મંત્રી પણ આવ્યા હતા. જેમની સામેજ ખેડૂતે મામલતદારને બરોબરના ખખડાવ્યા છે. આ મેળામાં મોટી સંખ્યામાં લોકો હાજર હતા અને બધાની સામે આ બનાવ બન્યો જેના કારણે આ મુદ્દો ચર્ચાનું કેન્દ્ર બન્યું છે. 

વૃદ્ધ ખેડૂતે CM અને મહેસૂલ મંત્રીને પણ રજૂઆત કરી હતી 

વૃદ્ધની ફણસા ખાતેની જમીનનો કેસ મામલે ઉકેલ ન આવતા વૃદ્ધ અકળાયા હતા. CM અને મહેસૂલ મંત્રીને રજૂઆત કરી હતી. તેમ છતા વૃદ્ધની સમસ્યાનું નિવારણ ન આવ્યું તેવા તેમણે આક્ષેપ કર્યા છે. જેથી તેઓ મેળામાંજ મામલતદાર પર બરોબરના બગડ્યા અને મેળામાં મંત્રીની સામેજ મામલતદારને ખખડાવ્યા હતા. 

મેળામાં બધાની વચ્ચે વૃદ્ધે રોષ ઠાલવ્યો 

વૃદ્ધ ખેડૂતનું નાન હોલિયાભાઈ ઘોડી છે જેમણે મામલતદાર પ્રતિક જાખ઼ડ પર મેળાની વચ્ચે પોતાનો રોષ ઠાલવ્યો છે. વૃદ્ધે એવા આક્ષેપ પણ કર્યા છે કે ઉમર ગામના મામલદાર તેમનું કઈ પણ સાંભળતા નથી. જેથી ખેડૂત બરોબરના ઉશ્કેરાયા હતા અને તેમણે મહેસૂલ મંત્રીની સામેજ મામલતદારને ખખડાવ્યા હતા. 

સોશિયલ મીડિયામાં વીડિયો વાયરલ 

ઉલ્લેખનીય છે કે આ સમગ્ર ઘટનાનો વીડિયો પણ હાલ સોશિયલ મીડિયામાં વાયરલ થયો છે. જેમા વૃદ્ધ કેટલા ઉશ્કેરાયેલા છે. તે જોવા મળી રહ્યું છે. જોકે તેમની સમસ્યાનું નિવારણ નહોતું આવી રહ્યું જેથી તેમણે મામલતદારને ખખડાવ્યા હતા.