કચ્છ જિલ્લાના નખત્રાણા નજીક પુલ પર મગર આંટાફેરા કરતો હોવાનો વીડિયો વાયરલ થયો છે.
કચ્છના નખત્રાણા પાસે મગરમચ્છનો વીડિયો વાયરલ
નખત્રાણાના ખેતાબાપા પાસેનો વીડિયો હોવાનો અંદાજ
ભારે વરસાદમા મગર બહાર આવ્યા
કચ્છ જિલ્લાના નખત્રાણા નજીકનો મગરનો વીડિયો વાયરલ થયો છે. જેને લઇને સ્થાનિકોમાં ફફડાટ ફેલાયો છે. વરસાદી વાતાવરણ વચ્ચે પૂર આવ્યા બાદ નખત્રાણાના ખેતાબાપા નજીક રસ્તા પર આમ- તેમ મગર ખુલ્લામાં આંટા મારતો હોવાનું વીડિયોમા દ્રશ્યમાંન થઇ રહ્યું છે. એક બાજુ કચ્છના નખત્રાણામાં ભારે વરસાદને લઈને ચારે કોર પાણી ભર્યા છે. તેવામાં ભારે વરસાદમા મગરમચ્છ બહાર આવ્યા હોવાનો વીડિયો સામે આવતા લોકોમાં ભારે કુતૂહલ સર્જાયું છે. નોંધનિય છે કે લગભગ બે માસ અગાઉ ભરૂચની ઢાઢર નદીમાં મગરોનું ઝુંડ જોવા મળ્યું હતું. ત્યારબાદ આજે વધુ એક વખત નખત્રાણા નજીકનો મગરનો વીડિયો વાયરલ થયો છે. જુઓ વીડિયો...