બ્રેકિંગ ન્યુઝ
VTV / ગુજરાત / અન્ય જિલ્લા / Video of a child collecting number plates in Bharuch went viral
Khyati
Last Updated: 05:07 PM, 13 July 2022
ADVERTISEMENT
બાળકનું માનસ કોરી સ્લેટ જેવુ હોય છે, જે તમે એને શીખવાડો એજ તે શીખશે. બાળકને સાચા ખોટાની પરખ ન હોય. બાળક તો બસ મનમાં જે આવે એજ કરે અને મનમાં આવે તે બોલી દે. ત્યારે આવા જ એક નિર્દોષ બાળકને કામગીરીના ચોમેર વખાણ થઇ રહ્યા છે.
ભરૂચમાં બાળકની નિર્દોષની કામગીરી પ્રશંસાને પાત્ર
ADVERTISEMENT
એક તરફ વરસાદી માહોલથી ચોમેરે નુકસાની, ક્યાંક ગટરો ઉભરાઇ ગઇ તો ક્યાંક અંડરપાસ પાણીમાં ગરકાવ થયા. લોકોના ઘરોમાંથી હજી પણ પાણી ઉતર્યા નથી. પારાવાર હાલાકી વેઠવાનો વારો આવ્યો છે. તેવામાં એક બાળકનો વીડિયો જબરદસ્ત વાયરલ થયો છે જેમાં તે બાળક નંબર પ્લેટને ભેગી કરીને દિવાલ પર ટેકવી રહ્યો છે. જોઇને એમ થાય કે આ બાળકને વળી નંબર પ્લેટ ભેગી કરવામાં શું રસ ? પણ બાળકની આ કામગીરીની લોકો સરાહના કરી રહ્યા છે.
50થી વધુ નંબરપ્લેટની બાળકે કરી સાચવણી
આ વીડિયો ભરૂચનો છે. ધોધમાર વરસાદને પગલે નીચાણવાળા વિસ્તારો સહિત કલેક્ટર કચેરી અંડરપાસમાં કેડસમા પાણી ભરાઇ ગયા હતા. આટલા પાણીમાં વાહનચાલકોએ ભારે હાલાકી વેઠવાનો વારો આવ્યો હતો. પરાણે પરાણે વાહનને બહાર કઢાયા હતા. જે દરમિયાન પાણીના ફોર્સને કારણે અનેક વાહનોની નંબરપ્લેટ પાણીમાં ગરકાવ થઇ ગઇ. બસ આ એજ નંબર પ્લેટ છે જેને એક બાળક સાચવીને એક અંડરપાસની એક તરફ મૂકી રહ્યો છે. પાણી ઓસરતા આ બાળકે અંદાજે 50 જેટલી નંબર પ્લેટ ભેગી કરી જેથી જે-તે વાહન ચાલક સરળતાથી મળી જાય. છેને બાકી બાળકની કમાલની કામગીરી. રસ્તે જતા અજાણ્યાની પણ ચિંતા કરીને આ બાળક અજાણતા જ લોકોના મનમાં પોઝિટીવ છબી ઉભી કરી જાય છે.
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.