અરે બાપ રે! / સડસડાટ આવતી BMW ની નીચે આવી ગઈ સ્કૂટી, VIDEO જોઈને રૂંવાડા ઊભા થઈ જશે

• મેંગલોરમાં થયો અકસ્માત 
• BMWએ સ્કૂટીને મારી ટક્કર 
• વીડિયો સોશિયલ મીડિયા પર વાયરલ

કર્ણાટકનાં મેંગલોરમાં ઝડપથી ચાલી રહેલી BMW કારે ઘણા લોકોને ઈજાગ્રસ્ત કર્યા છે. આ અકસ્માતનો એક વીડિયો સોશિયલ મીડિયા પર વાયરલ થઇ રહ્યો છે. આ અકસ્માત 9 એપ્રિલનો જણાવવામાં આવી રહ્યો છે . અકસ્માતમાં ઘાયલ થયેલા લોકોની સારવાર ચાલી રહી છે. પોલીસે આરોપી ડ્રાઈવર સામે ફરિયાદ દાખલ કરીને તેને અરેસ્ટ કરી લીધો છે. 

અકસ્માતથી ગભરાયા લોકો 
રિપોર્ટ્સ અનુસાર,આ ઘટના લગભગ 1:20 વાગ્યે મેંગલોરનાં બલ્લાબાગ ચારરસ્તા પાસેની છે. અકસ્માતનાં વાયરલ વીડિયોમાં સ્પષ્ટ જોઈ શકાય છે કે ઝડપથી આવી રહેલી BMW કાર પોતાની લેનથી ડીવાઈડર પાર કરતા ટકરાઈ જાય છે. કારની આ જોરદાર ટક્કરથી સ્કૂટી પર સવાર મહિલાને ગંભીર ઈજા પહોંચે છે. 

Mangaluru:Driving a BMW Thrills, but many times it Kills,when the driver behind its wheel is driving rash,or intoxicated by drugs or alcohol but whatever be the case,here is an example bizarre accident which took place during the afternoon hours of 9 April 22 on the M G Road pic.twitter.com/ncVwltdxW3

— BHARAT GHANDAT (@BHARATGHANDAT2) April 9, 2022

સ્કૂટી પર સવાર મહિલાની ચાલી રહી છે સારવાર 
BMWનાં અકસ્માતમાં ઈજાગ્રસ્ત થયેલા વાહનોના ડ્રાઈવર અને સ્કૂટી પર સવાર મહિલાની સારવાર ચાલી રહી છે. રિપોર્ટ્સ અનુસાર, એક અન્ય મહિલા, જે રસ્તો પાર કરવા માટે ડીવાઈડર પર ઉભી હતી, તે પણ BMWની લપેટમાં આવતા માંડ માંડ બચી ગઈ. 

ડ્રાઈવર થયો અરેસ્ટ 
પોલીસ અનુસાર, BMWનો ડ્રાઈવર મન્નાગુડ્ડાનો શ્રવણ કુમાર છે. શ્રવણ ડેરેબેલમાં ઇન્ટીરીયર ડેકોરેશનનો કારોબાર કરે છે. અકસ્માતનાં તરત જ બાદ ત્યાં હાજર લોકોએ BMW કારનાં ડ્રાઈવરને પકડી લીધો અને મારવા લાગ્યા. આરોપ છે કે અકસ્માત સમયે BMWનો ડ્રાઈવર દારુનાં નશામાં ધૂત હતો.