આજકાલ એન્જીનીયર અને આર્કિટેકની દુનિયામાં તમને અદભૂત બિલ્ડીંગ કે સ્ટ્રક્ચર જોવા મળે છે પરંતુ શું તમે કુદરતી આર્કિટેક એક પક્ષીને જોયું છે ? ચાલો જાણીએ આ પક્ષી વિશે
સોશિયલ મીડિયામાં થયો આ પક્ષીનો વિડીઓ વાઈરલ
દરજીની જેમ પાંદડાઓ સીવીને બનાવે છે પોતાનો માળો
આ પક્ષીથી આર્કિટેક અને એન્જીનીયર પણ લે છે પ્રેરણાં
સોશિયલ મીડિયામાં થયો વિડીઓ વાઈરલ
પ્રકૃતિમાં તમને અદ્ભુત અને શાનદાર વસ્તુઓ જોવા મળે છે. ઘણી વખતતો આપણા એન્જીનીયરો આ પ્રકૃતિના મોડેલને ધ્યાને લઈને પોતાના ઘણા પ્રોજેક્ટ બનાવતા હોય છે. ઘણી વખત તમને પ્રકૃતિમાં એવું પણ જોવા મળી જાય છે જે જોઇને તમારી આંખો પણ વિશ્વાસ ન કરે. આજકાલ સોશિયલ મીડિયા પર પ્રકૃતિ સાથે જોડાયેલી એક આશ્ચર્યજનક ઘટના વાયરલ થઈ રહી છે. આ જોઇને ઇન્ટરનેટ યૂઝર્સ પોતાની આંખો પર વિશ્વાસ નથી કરી શકતા.
આ છે પ્રાકૃતિક આર્કિટેક પક્ષી
સોશિયલ મીડિયા પર વાયરલ થઇ રહેલી આ વિડીયો ઇન્ટરનેટ યુઝર્સમાં ચર્ચાનો વિષય બની ગયો છે. વીડિયોમાં એક પક્ષીનો કમાલ જોવા મળી રહ્યો છે. તમે આ પક્ષીનો કમાલ જોશો અને કહેશો કે કદાચ ભાગ્યે જ તમે આના જેવો શ્રેષ્ઠ એન્જીનીયર અને આર્કિટેક્ચર જોયો હશે. આ વીડિયો જોયા બાદ તમને તમારી આંખો પર વિશ્વાસ નહીં આવે. વીડિયોમાં પક્ષી દરજીની જેમ પોતાનો માળો સીવતું જોવા મળે છે. આ પક્ષીનું નામ Common tailorbird છે. આ પક્ષી પોતાનો માળો પાંદડાને સીવીને બનાવે છે.
દરજીની જેમ સીવે છે પાંદડાઓ
આ પક્ષી ઝાડના પાંદડાથી પોતાનો માળો તૈયાર કરી રહ્યું છે. સૌથી આશ્ચર્યજનક વાત એ છે કે આ માટે તે રેશમી દોરાનો ઉપયોગ કરી રહી છે. તમને જોઈને હેરાની થશે કે પક્ષી પોતાનો માળો બનાવવા માટે દરજીની જેમ રેશમી દોરાથી ઝાડના પાંદડા સીવતા જોવા મળે છે. પક્ષીનું ટેલેન્ટ જોઈને તમે પણ આશ્ચર્યચકિત થઈ જશો. તે પહેલાં, તમે ભાગ્યે જ કોઈ પક્ષીને આ રીતે સીવણ કરતા જોયા હશે.
ટ્વીટર પર શેર કરવામાં આવ્યો વિડીઓ
આ વીડિયોને @TansuYegen નામના ટ્વિટર એકાઉન્ટ પર શેર કરવામાં આવ્યો છે. કેપ્શનમાં લખ્યું છે, "પ્રકૃતિ ખરેખર અવિશ્વસનીય છે." સોશિયલ મીડિયા પર પક્ષીનો આ વીડિયો લોકોએ ખૂબ પસંદ કર્યો છે. એક યુઝરે લખ્યું, "માળો બનાવવાની આ ટ્રીક ખરેખર અદ્ધભૂત છે." આ વીડિયોને અત્યાર સુધીમાં 8 લાખથી વધુ લોકો જોઈ ચૂક્યા છે.