વિચારથી ગરીબ / 'પાકિસ્તાન જા, ત્યાં મળશે ભીખ' ભિખારીને માર મારતો વીડિયો વાયરલ, પોલીસે 5 લોકોને કર્યા જેલ હવાલે

'પાકિસ્તાન જા, ત્યાં મળશે ભીખ'
ગઇકાલે ઈન્દોરમાં ભીડે કરેલી મારામારી  બાદ હવે અજમેરથી પણ એક એવો વીડિયો સામે આવી રહ્યો છે. જે તમને વિચલિત કરી રહ્યો છે. વીડિયો એક માણસ સાથે કેટલાક લોકો એક શખ્સને બેરહેમીથી માર મરી રહ્યા છે અને પાકિસ્તાન જઈ ભીખ માગવાનું કહી રહ્યા છે, જે શખ્સને ઢોર માર મરાઈ રહ્યો છે તે મુસ્લિમ ભિખારી હોવાનું અનુમાન છે. ભિખારીની સાથે તેના બે બાળકો પણ છે. વીડિયો હાલ સોશિયલ મીડિયામાં ખૂબ વાયરલ થઈ રહ્યો છે. જે બાદ પોલીસ સક્રિય થઈ આ મામલે પાંચ લોકોની ધરપકડ કરી છે. અજમેરનો આ વીડિયો ઈન્દોરની ઘટનાના એક દિવસ પછી આવ્યો છે. ઈન્દોરમાં એક બંગડીવાળાને ભીડ બેરહેમીથી મારી રહી હતી, અહી એક ભિખારીને અમુક લોકો 'પાકિસ્તાન જા, ત્યાં મળશે ભીખ' એમ કરીને મારી રહ્યા છે.

“विराट हिंदुत्ववादी” खुद को “विराट” महसूस करवाने के लिए कभी किसी मुसलमान फ़क़ीर को मारता है, तो कभी भीड़ इकट्ठा करके चूड़ी बेचने वाले को पीट देता है।ये कम-ज़र्फ़ी और कमतरी गोडसे की हिंदुत्ववादी सोच का नतीजा है।अगर समाज ये सोच का मुकाबला नहीं करेगा तो ये कैन्सर की तरह फैलती रहेगी https://t.co/A47R2Zartb

— Asaduddin Owaisi (@asadowaisi) August 24, 2021

પીડિત પરિવારની નથી થઈ ઓળખાણ
વીડિયો અજમેરના રામગંજ પોલીસ સ્ટેશનના હદમાં આવતા વિસ્તારનો છે. વીડિયોમાં ભિખારી સાથે થઈ રહેલી મારામારી ચોખ્ખી દેખાઈ આવે છે. વીડિયો 21 ઓગસ્ટનો હોય તેવું પ્રાથમિક અનુમાન છે.  રામગંજ પોલીસ સ્ટેશનના અધિકારી સતેન્દ્ર નેગીના જણાવ્યા અનુસાર પીડિત પરિવારની તપાસ કરવામાં આવી છે, પણ તેમણી હજુ સુધી કોઈ ઓળખાણ મળી નથી. આથી પોલીસે પોતે મારપીટ કરવા વાળા લલીત શર્મા સહિત 5 લોકોની ધરપકડ કરી ગુનો નોંધ્યો છે. 

અસદુદ્દીન ઓવૈસીએ કર્યો વિરોધ
આ ઘટનાનો વીડિયો હૈદરાબાદના સાંસદ અને AIMIMના પ્રમુખ અસદુદ્દીન ઓવૈસીએ પણ શેર કર્યો છે. અને કહ્યું છે કે વિરાટ હિન્દુત્વવાદી પોતાને વિરાટ હોવાનો ભાસ કરાવવા ક્યાંક કોઈ મુસલમાન ફકીરને મારી રહ્યા છે, તો કોઈ બંગડી વેચવા વાળાને ભીડનો સહારો લઈ મારી રહ્યા છે. આ ગોડસે વાળી વિચારધારનું પરિણામ છે. જો સમાજ આ નહીં વિચારે તો આ કેન્સરની જેમ ફેલાતું જ જશે