રાજકોટમાં બર્થ ડે સેલિબ્રેશન કરતા શખ્સે ખુલ્લેઆમ જાહેર રસ્તા પર ફાયરિંગ કર્યું સમગ્ર ઘટનાનો વીડિયો થયો વાયરલ
રાજકોટમાં ફાયરિંગનો વીડિયો થયો વાયરલ
બર્થ-ડે ઉજવણીમાં ફાયરિંગ કરતો વીડિયો થયો વાયરલ
એકબાદ એક 6 રાઉન્ડ ફાયરિંગ કરવામાં આવ્યું
રાજકોટમાં ફાયરિંગનો વીડિયો વાયરલ થયો છે જેમાં એક શખ્સ ખુલ્લેઆમ જાહેર રસ્તા પર ફાયરિંગ કરી રહ્યો છે વીડિયોમાં જોઈ શકાય છે કે જાહેર રોડ પર બર્થ ડેનું સેલિબ્રેશન કરવામાં આવી રહ્યું છે
બર્થ ડે સેલિબ્રેશન બાદ 6 રાઉન્ડ ફાયરિંગ કરાયું
વાયરલ થયેલા આ બર્થ ડે સેલિબ્રેશનમાં એકબાદ એક એમ 6 રાઉન્ડ ફાયરિંગ કરવામાં આવ્યું હોવાનું સામે આવ્યું છે જાહેર રસ્તા પર નીતિ નિયમો નેવે મૂકીને સરેઆમ નિયમોના ધજાગડા ઉડાવવામાં આવી રહ્યા છે ત્યારે વીડિયોમાં દેખાતા શખ્સોને પોલીસ કે કાયદાનો કોઈ ભય ન હોય તે જોવા મળી રહ્યું છે.
રાજકોટમાં જાહેર રોડ પર બર્થ ડેની ઉજવણી કરાઈ
રાજકોટમાં વાયરલ થયેલા વીડિયોમાં બર્થ-ડે ઉજવણી દરમિયાન એક યુવક ફાયરિંગ કરતો જોવા મળી રહ્યો છે વીડિયોમાં દેખાતો યુવક એક બાદ એક 6 રાઉન્ડ ફાયરિંગ કરે છે. વાયરલ વીડિયોમાં અજયરાજસિંહ જાડેજાનું પણ ટેગ કરાયું છે ત્યારે પોલીસની કામગીરી પર સવાલો ઉઠી રહ્યા છે મહત્વનું છે કે યુવક પાસે પિસ્તોલ ક્યાંથી આવી?. શું યુવક પાસે પિસ્તોલનું લાઇસન્સ છે ?. આ રીતે કોઇ પણ પિસ્તોલ લઇ ફરે તે કેટલું યોગ્ય ? યુવકો શોઓફ કરવામાં નિયમોનું ઉલ્લંઘન કેમ કરે છે?
પોલીસે યુવકોની શોધખોળ હાથ ધરી
રાજકોટમાં જાહેર રોડ પર જન્મ દિવસની ઉજવણી કરવામાં આવી તેમાં ફાયરિંગ પણ કરવામાં આવ્યું તેને લઈ પોલીસ હવે હરકરતમાં આવી છે અને ફાયરિંગ કરનાર તેમજ બર્થડેનું સેલિબ્રેશન કરનાર યુવકોને શોધવા પોલીસ તપાસ હાથ ધરી રહી છે.