Video / દ્વારકામાં ગાંડીતૂર નદી ઓળંગવા ગયેલા ત્રણ યુવકો તણાયા-એકનો બચાવ, ઘટના વીડિયોમાં કેદ

• દ્વારકાના હડમતીયા ગામ પાસેની નદીમાં 3 લોકો તણાયા
• એકનો આબાદ બચાવ, 2 લોકોની શોધખોળ ચાલુ
• તંત્રને ઘટનાની જાણ છતાં હજુ કોઇ ફરક્યું નથી

રાજ્યભરમાં અવિરત વરસાદના કારણે વિવિધ જિલ્લાઓમાં તારાજી સર્જાઈ છે. દ્વારકામાં ધોધમાર વરસાદના કારણે હડમતિયા ગામ પાસે નદીમાં પૂર્વની સ્થિતિ સર્જાઈ છે.પૂરમાં ધસમસતા પ્રવાહમાં 2 વ્યક્તિઓ તણાઈ ગયા હતા. જેમાંથી એક વ્યક્તિને બચાવી લેવામાં આવ્યા જ્યારે અન્ય બેની શોધખોળ હજુ ચાલુ છે. 

1) ગીર સોમનાથમાં ધોધમાર વરસાદ થતાં જમજીર ધોધનો નયનરમ્ય નજારો જોવા મળ્યો.

2) દ્વારકામાં ભારે વરસાદના કારણે હડમતીયા ગામ પાસે આવેલી નદીમાં પૂરમાં 3 લોકો નદીમાં તણાયા છે જેમાં એકને બચાવી લેવાયો. જ્યારે અન્ય બેની શોધખોળ ચાલુ#GujaratRains #GirSomnath #GujaratWaterfall pic.twitter.com/6D0qapiYON

— VTV Gujarati News and Beyond (@VtvGujarati) August 15, 2020

ભારે પૂરના કારણે નદીમાં 3 લોકો તણાયા

દ્વારકામાં ભારે વરસાદના કારણે નદીમાં પૂર આવી ગયું છે. નદીનું જળસ્તર વધારે હોવા છતાં યુવકોએ નદી ઓળંગવાનું જોખમ ઉઠાવ્યું હતું. એવામાં જોતજોતામાં આ યુવકો પાણીમાં તણાવા લાગ્યા જેમાંથી એકનો આબાદ બચાવ કરવામાં આવ્યો હતો અને અન્ય બેની શોધખોળ ચાલુ છે. 

ઘટના દરમિયાન ગામના લોકો ત્યાં જ હતા અને વીડિયો બનાવી રહ્યા હતા. ઘટનાની જાણ તંત્રને કરવામાં આવી છતાં હજુ સુધી કોઈ ત્યાં ફરક્યું પણ નથી. 

લોકોનું રેસ્ક્યુ 

સુરતમાં મેઘપ્રકોપના કારણે આખા જિલ્લામાં તારાજી સર્જી છે. સુરતના પર્વત પાટિયા વિસ્તાર પાણીમાં ગરકાવ થઇ ગયો છે. સોસાયટીનાં ઘરોમાં પાણી ઘુસી જતા ત્યાંથી 200 જેટલા લોકોનું રેસ્ક્યુ કરવામાં આવ્યું છે. માધવબાગ સોસાયટીઓના લોકોના રેસ્ક્યુમાં ફાયર વિભાગની સાથે સાથે આરએસએસ પણ લોકોની મદદે આવ્યું છે. 

લિમ્બાયતમાં લોકોના ઘરોમાં પાણી 

સુરતમાં ભારે વરસાદથી સ્થિતિ વણસી રહી છે. સુરતના લિંબાયત વિસ્તારમાં ધોધમાર વરસાદથી સ્થિતિ ખૂબ ખરાબ થઇ રહી છે. ડુભલ સર્કલ પાસે સોસાયટીઓમાં પાણી ઘૂસી ગયા છે. લોકોના ઘરોમાં પાણી ભરાઇ જતા સ્થાનિકોને મુશ્કેલી પડી રહી છે.