2024 પહેલા ભારતમાં અમેરિકા જેવા રોડ હશે: નીતિન ગડકરી
કેન્દ્રીય રોડ ટ્રાન્સપોર્ટ અને હાઈવે મંત્રી નીતિન ગડકરીએ રાજ્યસભામાં જણાવ્યું કે, 2024 સુધીમાં ભારતમાં રોડ ઈન્ફ્રાસ્ટ્રક્ચર અમેરિકા જેવું થઈ જશે. તેમણે કહ્યું કે, 2024 પહેલા 26 ગ્રીન એક્સપ્રેસ હાઇવે બનાવવામાં આવશે, જે મુસાફરીના સમયમાં નોંધપાત્ર ઘટાડો કરશે. કેન્દ્રીય મંત્રીના જણાવ્યા અનુસાર, એકવાર આ હાઇવે બની ગયા બાદ દિલ્હીથી દહેરાદૂન, દિલ્હીથી હરિદ્વાર, દિલ્હીથી જયપુરની મુસાફરીમાં માત્ર બે કલાકનો સમય લાગશે.
નીતિન ગડકરીએ રાજ્યસભામાં જણાવ્યું કે, 2024 સુધીમાં ભારતમાં રોડ ઈન્ફ્રાસ્ટ્રક્ચર અમેરિકા જેવું થઈ જશે. કેન્દ્રીય મંત્રીના જણાવ્યા અનુસાર આ રોડ બની ગયા બાદ દિલ્હીથી ચંદીગઢ 2.30 કલાકમાં, દિલ્હીથી અમૃતસર 4 કલાકમાં અને દિલ્હીથી મુંબઈ 12 કલાકમાં પહોંચી શકાશે. મંત્રી NHAI ના ભંડોળની ઉપલબ્ધતા અંગેના પ્રશ્નકાળ દરમિયાન કોંગ્રેસના સાંસદ રાજીવ શુક્લાના પ્રશ્નનો જવાબ આપી રહ્યા હતા.
નીતિન ગડકરીએ તે પ્રશ્નના જવાબમાં કહ્યું, “સરકાર 26 ગ્રીન હાઈવે બનાવી રહી છે. 2024 સુધીમાં ભારતમાં રોડ ઈન્ફ્રાસ્ટ્રક્ચર યુએસ જેવું જ હશે. પૈસાની કોઈ કમી નથી. અમે દેશમાં રોડ ઈન્ફ્રાસ્ટ્રક્ચરનો ચહેરો બદલવા માટે પ્રતિબદ્ધ છીએ. નીતિન ગડકરીએ ભંડોળની ઉપલબ્ધતા અંગે કહ્યું કે, NHAI દર વર્ષે 5 લાખ કરોડ રૂપિયાના રસ્તાઓ બનાવી શકે છે.