અરે બાપ રે- / VIDEO: NASAના સૌથી ભયાનક દ્રશ્યો, અંતરીક્ષમાં સપોર્ટ વગર તર્યો એસ્ટ્રોનોટ, દંગ રહી ગઈ દુનિયા

• પહેલા એવા એસ્ટ્રોનોટ હતા જે કોઇ તાર કે અન્ય કોઇ સહારા વીના સ્પેસ ક્રાફ્ટથી અલગ થઈને અંતરીક્ષમાં ગયા
• નાસાએ આ તસવીરનું ટાઇટલ "ફ્રી ફ્લોટિંગ" આપ્યું
• સ્પેસ શટલથી 320 ફિટ દૂર મુક્ત રીતે તરી રહ્યા હતા

ઈન્ટરનેટમાં વાયરલ થઈ રહી આ તસવીર સ્પેસની અત્યાર સુધીની સૌથી ખતરનાક તસવીર ગણવામાં આવી છે. આ તસવીરને જોઈને દરેક લોકો ચોંકી ગયા છે. જો કે આ તસવીર ચાર દશક જૂની છે. નાસા(NASA) એ આ તસવીર વર્ષ 1984માં લીધી હતી.  આઆ તસવીરમાં સફેદ સ્પેસ સુટ પહેરલ એક અંતરીક્ષ યાત્રીને તેના અંતરીક્ષ યાનથી દૂર સ્પેસમાં આરામથી તરતા જોઈ શકાય છે. આ સાથે જ તસવીરમાં એ એસ્ટ્રોનોટના પગની નીચે પૃથ્વી પણ દેખાય છે. 

આ વાઇરલ થયેલ તસવીરમાં રહેલ એસ્ટ્રોનોટનું નામ છે બ્રુસ મૈકકેન્ડલેસ (Bruce McCandless II). એમની આ તસવીર ત્યારે લેવામાં આવી હતી જ્યારે એ એક સેટેલાઈટ રીપેર મિશન માટે રિહર્સલ કરી રહ્યા હતા અને બ્રુસ મૈકકેન્ડલેસ સ્પેસ શટલની બહાર આવ્યા હતા. બ્રુસ મૈકકેન્ડલેસ પહેલા એવા એસ્ટ્રોનોટ હતા જે કોઇ તાર કે અન્ય કોઇ સહારા વીના સ્પેસ ક્રાફ્ટથી અલગ થઈને અંતરીક્ષમાં ગયા હતા. 

Bruce McCandless II
જો કે આ તસવીર જોવામાં સારી લાગે છે અને એ વાત સાંભળવામાં સરળ લાગે છે પણ વગર કોઇ સહારે સ્પેસ ક્રાફ્ટમાંથી બહાર નીકળવું એ કોઇ સરળ વાત નથી. નાસા(NASA)એ આ તસવીરનું ટાઇટલ "ફ્રી ફ્લોટિંગ" આપ્યું છે. નસનું એમ કહેવું છે કે આ બધુ એમના પીઠમાં રહેલ જેટ પૈકને કારણે સંભવ થયું છે, જેને મૈન્ડ મૈન્યુવરિંગ યુનિટ (Manned Maneuvering Unit- MMU)કહેવામાં આવે છે. 

મૈકકેન્ડલેસે સ્પેસ ક્રાફ્ટની પાસે 136 પાઉન્ડ MMU નું ટેસ્ટ કર્યું હતું. એ પછી તેઓ સ્પેસ શટલથી 320 ફિટ દૂર મુક્ત રીતે તરી રહ્યા હતા. 

Perhaps the most-terrifying space photograph to date. Astronaut Bruce McCandless II floats completely untethered, away from the safety of the space shuttle, with nothing but his Manned Maneuvering Unit keeping him alive. The first person in history to do so.
Credit: NASA pic.twitter.com/uapVOFwS2u

— Curiosity (@Sciencenature14) June 20, 2022

બ્રુસ મૈકકેન્ડલેસને વગર કોઈ તારના સહારે સ્પેસમાં ફરતા જોઈ શકાય છે, જેમાં MMUએ તેમની મદદ કરી હતી. MMU એ એક નાઇટ્રોજનથી ચાલનાર જેટપૈક છે જે અંતરીક્ષમાં ફરવામાં મદદ કરે છે. 21 ડિસેમ્બર 2017 માં 80 વર્ષની ઉંમરે બ્રુસ મૈકકેન્ડલેસનું નિધન થયું હતું.