રાજકીય / VIDEO : 'MVAના લોકો વાંદરા જેવો ડાન્સ કરી રહ્યાં છે' મહારાષ્ટ્ર સંકટ પર ઓવૈસીનો મોટો કટાક્ષ

• મહારાષ્ટ્રના રાજકીય સંકટ પર ઓવૈસીનો મોટો કટાક્ષ 
• કહ્યું MVAના લોકો વાંદરા જેવો ડાન્સ કરી રહ્યાં છે
• વાંદરાની જેમ એક ડાળ પરથી બીજી ડાળ પર કૂદી રહ્યાં છે

AIMIM ચીફ અસદુદ્દીન ઓવૈસીએ મહારાષ્ટ્રમાં વધી રહેલા રાજકીય સંકટ પર મજાક ઉડાવી છે. ઓવૈસીએ કહ્યું કે મહા વિકાસ આઘાડીને આ મામલે વિચાર કરવા દો. અમે જે નાટક સામે આવી રહ્યું છે તેના પર નજર રાખી રહ્યા છીએ ... તે વાંદરાઓના નૃત્ય જેવું લાગે છે. આ લોકો વાંદરાની જેમ એક ડાળ પરથી બીજી ડાળ પર કૂદી રહ્યા છે.

देखा नहीं जाता मगर देख रहा हूँ... #MaharashtraPolitcalCrisis #Maharashtra pic.twitter.com/6o295DXwqq

— Asaduddin Owaisi (@asadowaisi) June 25, 2022

બળવાખોર ધારાસભ્યો 30 જૂન સુધી ગુવાહાટીમાં રહેશે
મહારાષ્ટ્રને લઈને રાજકીય હલચલ વધી રહી છે. અહેવાલ છે કે શિંદે જૂથે હોટલના બુકિંગમાં વધુ બે દિવસનો વધારો કર્યો છે. બળવાખોર ધારાસભ્યો હવે 30 જૂન સુધી ગુવાહાટીમાં રોકાશે. એકનાથ શિંદે 24 જૂનની રાત્રે દિલ્હી અને વડોદરા ગયા હતા. તેઓ આજે સવારે ગુવાહાટી પરત ફર્યા બાદ આસામમાં ધારાસભ્યોને વધુ બે માટે રોકવાનો નિર્ણય લેવાયો હતો.

સ્વાભાવિક ગઠબંધનની માંગ પર ઉદ્ધવ મૌન હતા, તેથી બળવો થયો: ધારાસભ્ય ચિમનરાવ પાટિલ
શિવસેના ધારાસભ્ય ચિમનરાવ પાટિલે કહ્યું કે અમે છેલ્લા 30 વર્ષથી કોંગ્રેસ અને એનસીપી સામે લડી રહ્યા છીએ. અમારા પ્રદેશમાં કોંગ્રેસ-એનસીપી જ મેદાનમાં છે અને આગામી ચૂંટણીમાં પણ એ જ વિરોધી રહેશે. અમે મુખ્ય પ્રધાનને વિનંતી કરી હતી કે સ્વાભાવિક જોડાણ થવું જોઈએ પરંતુ તેમણે અમને ક્યારેય જવાબ આપ્યો નથી, તેથી અમે અમારા નેતા એકનાથ શિંદેને વિનંતી કરી છે કે તેઓ આ અંગે કડક વલણ અપનાવે. મહારાષ્ટ્રમાં કુદરતી જોડાણ એ શિવસેનાના તમામ કાર્યકરોની ઇચ્છા છે, તેથી ઘણા ધારાસભ્યોએ વિચારધારા માટે બળવો કર્યો.