Video: મુંબઈમાં ચાલુ ટ્રેનમાંથી પડતા-પડતા માંડ બચી યુવતી

મુંબઈમાં ચાલુ ટ્રેન દરમિયાન એક યુવતી પડતા પડતા માંડ બચી હોવાનો એક વીડિયો સોશિયલ મીડિયામાં વાયરલ થયો છે. ઘટનાની વિગત એવી છે કે એક યુવતી ટ્રેનમાં મુસાફરી કરી રહી હતી અને તે ટ્રેનના ડબ્બાના દરવાજે ઊભી હતી. 

તે સમયે પવન પણ પૂરજોશમાં આવતો હતો અને યુવતી પવનના સૂસવાટાની મજા માણી રહી હતી. ત્યારે અચાનક બીજી ટ્રેન આવતા યુવતીએ સંતુલન ગુમાવ્યું અને તરત જ ટ્રેનમાંથી નીચે પટકાઈ. પણ ત્યાં હાજર અન્ય મુસાફરોએ પોતાની સમયસૂચકતા વાપરી અને યુવતીનો હાથ પકડી લીધો. 

થોડી ક્ષણો માટે ધબકારા પણ રોકાઈ જાય એવા દ્રશ્યો સામે આવ્યા. યુવતી નીચે લટકતી રહી પણ લોકોએ તેનો હાથ ન છોડ્યો અને આખરે તેને બચાવીને પાછી ઉપર ટ્રેનમાં લઈ લીધી. ઘડીના છઠ્ઠાભાગમાં યુવતીનો જીવ બચી ગયો. જો કે આ કોઈ સ્ટંટ નહોતો પણ ટ્રેનમાં મુસાફરી કરતી વખતે શું ધ્યાનમાં રાખવું એ શબક ચોક્કસ શીખવા જેવો છે. 

1 ક્લિક પર જોડાવો VTV ના સોશિયલ એકાઉન્ટ્સ સાથે...