'મૈ નશે મે હૂં' / VIDEO: સાહેબ ટલ્લી છે ! મામલતદારે એટલો દારૂ પીધો કે ચાલવાનું પણ ન રહ્યું ભાન, સતત બીજી વખત મદીરાપાન

• આણંદમાં સરા જાહેર દારૂની મહેફિલ 
• પૂર્વ નાયબ મામલતદાર નશામાં ધૂત 
• કારમાં બેઠા-બેઠા મારતા હતા ચુસકીઓ 

ગુજરાતમાં સખત દારુબંદી હોય અને તેના પાલન માટે ચોતરફ પોલીસ ગોઠવાયેલી હોય અને પીધેલા કે વેંચતા પકડાય તેને માટે કડક કાયદાકીય જોગવાઈ હોય ત્યારે,સામાન્ય માણસનું ગજું છે કે દારુ પી શકે ? પણ આણંદમાં ઊલટી ગંગા વહી. અહી તો પૂર્વ અધિકારી વધતી ગરમી વચ્ચે, પોતાની કારમાં બેઠે-બેઠા જ દારૂની ચુસકીઓ માણી રહ્યા હતા. આણંદ જિલ્લામાં ફરજ બજાવતા પૂર્વ નાયબ મામલતદાર  જે. કે. વાળા નશામાં ચકચૂર થઈને ગાડીમાંથી ઉતરતા નજરે પડ્યાં. આણંદનાં જાહેર માર્ગ પર જ પોતાની કારમાં દારૂની મહેફિલ  માણી રહ્યાં હતાં ત્યારે પોલીસે દારૂના નશામાં ચૂર હાલતમાં તેમને ઝડપી લીધા હતા. આ કઈ પહેલીવારની ઘટના નથી .આ અગાઉ પણ નાયબ મામલતદાર  દારૂ પીધેલી હાલતમાં ઝડપાઈ ચુક્યા છે.વિદ્યાનગર પોલીસની ટીમે ગુનો નોંધવાની કાર્યવાહી હાથ ધરી હતી.