ટીમ ઈન્ડિયાના બેટ્સમેન સૂર્યકુમાર યાદવે ન્યુઝીલેન્ડ સામે મેચમાં સદી ફટકારી હતી. જે તેની બહેને શેર કર્યું છે કે ઈનિંગ જોઈને તેના માતા-પિતાની શું પ્રતિક્રિયા છે.
ટીમ ઈન્ડિયાના સ્ટાર બેટ્સમેને ફટકારી સદી
T20 માં મેચમાં જોરદાર સદી ફટકારી
તેની બહેને સોશિયલ મીડિયામાં શેર કર્યો વીડિયો
ટીમ ઈન્ડિયાના સ્ટાર બેટ્સમેન સૂર્યકુમાર યાદવે એકલા હાથે ન્યુઝીલેન્ડ સામે બીજી T20 મેચમાં ભારતને જીત અપાવી અને શ્રેણીમાં 1-0 ની સરસાઈ મેળવી. શ્રેણીના પ્રથમ મેચ વરસાદને કારણે રમાઈ ન હતી. ત્યારે છેલ્લી અને નિર્ણાયક મેટ 22 નવેમ્બરના રોજ નેપિયરના મેકલિન પાર્કમાં રમાશે.
બીજી T20 મેચમાં સૂર્યકુમારે યાદવે 51 બોલમાં 111 રનની અણનમ ઈનિંગ રમી હતી. સૂર્યકુમાર યાદવની આ શાનદાર ઈનિગ તેના માતા-પિતાએ ટીવી પર જોઈ હતી. સૂર્યકુમાર યાદવની સદી થતા જ તેનો ચહેરો ટીવી સ્ક્રીન પર દેખાયો કે તરત જ માતા તેને ધ્યાનથી જોવા લાગી. જે વીડિયો સૂર્યાની બહેને તેને ઈન્સ્ટાગ્રામ સ્ટોરીમાં શેર કર્યો હતો.
મેચ બાદ જ્યારે સૂર્યાને તેના શાનદાર પર્ફોમન્સનું રહસ્ય પૂછવામાં આવ્યું તો તેણે કહ્યું કે તેની પત્ની તેની સાથે કોઈપણ સીરિઝ કે ટૂર પર જાય છે. તેમને રજાના દિવસે તે તેમના સાથે ફરવા જાય છે અને દરરોજ ઓછામાં ઓછા અડધો કલાક તેમના પરિવારને સમય ફાળવે. સૂર્યાએ કહ્યું હતું કે તેના માતા-પિતા તેને જમીન સાથે જોડાયેલો રાખે છે અને ક્રિકેટને લઈને વાત નથી કરતા.