વેરાવળ તાલુકાના વડોદરા ડોડીયા ગામમાં એક શખ્સ હાથમાં પાવડો લઇ ગાળો બોલી ઉત્પાત મચાવી રહયો.સરપંચના ભાઈએ તેને ટપારતા અસ્થિર મગજના યુવકે તેની હત્યા કરી નાખતા ચકચાર
ગીર સોમનાથના વડોદરા ડોડીયાની ઘટના
માથા ફરેલા શખ્સે નિર્દોષ નાગરિકનો લીધો જીવ
જાહેરમાં અશોભનીય વર્તનના ઠપકાનો અંજામ
વેરાવળ પંથકમાં નજીવી બાબતે આગેવાનની થયેલ હત્યાની ઘટના અંગે પોલીસમાંથી પ્રાપ્ત વિગતોનુસાર વેરાવળ તાલુકાના વડોદરા ડોડીયા ગામમાં રાત્રીના કરશન અરજણભાઇ સોલંકી નામનો શખ્સ હાથમાં પાવડો લઇ ભુંડી ગાળો બોલી ઉતપાત મચાવી રહયો હતો, દરમ્યાન રસ્તામાં મળેલ સરપંચના ભાઇ એવા આગેવાનએ ગાળો બોલવાની ના પાડતા ઉશ્કેરાયેલા શખ્સએ ગામના આગેવાનને આડેઘડ પાવડાના ઘા ઝીકી કરપીણ હત્યા કરી નાંખતા ચકચાર મચી ગઇ હતી. નાના એવા ગામમાં નજીવી બાબતે થયેલ હત્યાના પગલે પોલીસ સ્ટાફ ઘટનાસ્થળે દોડી જઇ તપાસ હાથ ઘરી આરોપી શખ્સની અટક કરી તેનું મેડીકલ ચેક-અપ કરાવવા કાર્યવાહી હાથ ઘરી છે. આ ઘટના બાદ આરોપી શખ્સ માનસીક અસ્થિર હોવાથી ગામમાં અનેકવાર ઉતપાત મચાવતો હોવાની વાતો વહેતી થયેલ હતી. હાલ આ હત્યા મામલે પોલીસે ગુનો નોંઘી આગળની કાર્યવાહી હાથ ઘરી છે.
સરપંચના ભાઈએ ટપારતા કર્યો હુમલો
વેરાવળ પંથકમાં નજીવી બાબતે આગેવાનની થયેલ હત્યાની ઘટના અંગે પોલીસમાંથી પ્રાપ્ત વિગતોનુસાર વેરાવળ તાલુકાના વડોદરા ડોડીયા ગામમાં રાત્રીના કરશન અરજણભાઇ સોલંકી નામનો શખ્સ હાથમાં પાવડો લઇ ભુંડી ગાળો બોલી ઉતપાત મચાવી રહયો હતો. આ અંગે કોઇ ગ્રામજનએ પોલીસને જાણ કરતા પોલીસ સ્ટાફ કરશનને પકડવા ગામમાં પહોંચેલ હતો. એ સમયે પોલીસને જોઇ ઉશ્કેરાયેલા કરશનએ પ્રથમ પોલીસકર્મીઓ પર પાવડા વડે હુમલો કરેલ જેમાં પોલીસકર્મી જીતુભાઇ તથા પ્રવિણભાઇ બંન્નેને ઇજાઓ પહોંચી હતી. તેમ છતાં કરશનને પકડવા માટે તેનો પીછો પોલીસકર્મીઓ કરી રહેલ હતા. દરમ્યાન ગામમાં બસ સ્ટેન્ડ નજીક પહોંચેલ કરશન જાહેરમાં બેફામ ગાળો બોલી રહેલ હોવાથી એ સમયે ત્યાં ચાલીને જઇ રહેલ સરપંચના ભાઇ ભીમાભાઇ સીદીભાઇ આમહેડાએ તેને ગાળો બોલવાની ના પાડતા ઉશ્કેરાયેલા કરશનએ તુ મને શું સમજાવે છે તેમ કહી ઉશ્કેરાઇ જઇ પાવડા વડે ભીમાભાઇના માથા તથા શરીર પર આડેઘડ મારી ગંભીર ઇજાઓ પહોંચાડતા તેઓ ઢળી પડયા હતા.
હુમલો જીવલેણ નીવડ્યો; મોત નિપજ્યું
બાદમાં તેમના પરીવારજનો ઇજાગ્રસ્ત હાલતમાં વેરાવળ સરકારી દવાખાને લઇ આવેલ જયાં ફરજ પરના તબીબે ભીમાભાઇને મૃત જાહેર કરતા પરીવારજનોમાં ગમગીની પ્રસરી ગઇ હતી. આગેવાનનું મૃત્યુ થયાની જાણ વડોદરા ડોડીયા ગામમાં થતા અરેરાટી પ્રસરી ગઇ હતી. આ ઘટનાને લઇ અનુ.જાતિના આગેવાનો મોટીસંખ્યામાં સરકારી હોસ્પીટલે દોડી ગયા હતા. જયારે આરોપી શખ્સની અટક કરવા પોલીસ પણ દોડી ગઇ હતી. આ હત્યા મામલે પોલીસે મૃતકના ભાઇ પીઠાભાઇ આમહેડાની ફરીયાદ પરથી આરોપી કરશન સોલંકી સામે આઇપીસી કલમ 302 તથા અનુ.જાતી-અનુ.જનજાતિ અઘિનિયમની કલમ 3(1)(આર)(એસ) તથા જીપીએકટ 135 મુજબનો ગુનો નોંઘી વઘુ તપાસ એસટીએસસી સેલના ડીવાયએસપી જી.બી.બાંભણીયાએ હાથ ઘરી છે.
આરોપીની અટકાયત;પોલીસ પર પણ થયો હતો હુમલો
આ મામલે ડીવાયએસપી બાંભણીયાએ જણાવેલ કે, વડોદરા ડોડીયા ગામમાં આગેવાનની હત્યા કરનાર આરોપી કરશન સોલંકીની અટકાયત કરી લેવામાં આવી છે. હાલ તેનું મેડીકલ ચેક-અપ, કોરોના ટેસ્ટ કરાવવા માટે કાર્યવાહી હાથ ઘરવામાં આવી છે. આરોપી કરશનએ બે એક માસ અગાઉ પણ ગામમાં ઉત્પાત મચાવી વિજ થાંભલો પાડી દીઘેલ હોવા અંગે સોમનાથ મરીન પોલીસને અરજી મળી હતી. આરોપી શખ્સને પકડવા ગયેલ પોલીસ ટીમ પર હુમલો કરેલ જેમાં બે કર્મીઓને ઇજા પહોંચતા સારવાર અપાવવામાં આવતા ભયમુકત છે.
મૃતક ભીમાભાઇ ગામના સરપંચના ભાઇ તેમજ જી.પ.ના પૂર્વસભ્ય હોવાનું જાણવા મળેલ છે.