વિવાદ / VIDEO: મહિલા સાંસદે સંસદમાં જ આપી ગાળ, હોબાળો થતાં કહ્યું- જે જેવુ હોય એને એવું જ કહું ને

TMC સાંસદ મોઈત્રાનાં વિવાદિત નિવેદન પર નારાજ BJP
ભાજપનાં સાંસદો માટે અપશબ્દોનો પ્રયોગ કર્યો હતો
'સફરજનને સફરજન કહીશ, સંતરો નહીં' - મોઈત્રા

TMC સાંસદ મહુઆ મોઈત્રાએ લોકસભામાં મંગળવારે ભાજપનાં સાંસદો માટે અપશબ્દોનો પ્રયોગ કર્યો હતો જેના પર ભાજપનાં સાંસદોએ નારાજગી દર્શાવી હતી અને માફીની માગ કરી હતી પરંતુ મોઈત્રા પોતાના નિવેદન પર અડગ છે.

સફરજનને સફરજન કહીશ, સંતરો નહીં- મોઈત્રા
TMC સાંસદે બુધવારે કહ્યું કે ' મને નથી ખબર કે મારાથી ક્યાં પ્રકારનાં ભાષણની કલ્પના કરવામાં આવી રહી છે. મેં સદનમાં જે પણ કહ્યું તે ઑન રેકોર્ડ નથી કહ્યું. હવે અમને ભાજપ પાર્ટી શીખવાડશે કે સંસદીય શિષ્ટાચાર શું છે અને શું નહીં. હું સફરજનને સફરજન કહીશ અને સંતરો નહીં.. જો તેઓ મને વિશેષાધિકાર સમિતી પાસે લઈ જશે તો હું પોતાનો પક્ષ રાખીશ.'

#WATCH मैंने जो भी कहा सदन में ऑन रिकोर्ड नहीं कहा है, हमें भाजपा पार्टी अब सिखाएगी की संसदीय शिष्टाचार क्या है और क्या नहीं। यह बड़ी बात नहीं है बल्कि लोकतंत्र के लिए अडानी का 100 बिलियन डॉलर का स्कैंडल बड़ा मुद्दा है, जिसे उठाया गया है: TMC सासंद महुआ मोइत्रा, दिल्ली https://t.co/cfhzXTocyY pic.twitter.com/hZwCm0BqG1

— ANI_HindiNews (@AHindinews) February 8, 2023

BJPએ દર્શાવી નારાજગી
મોઈત્રાએ ગઈકાલે એટલે કે મંગળવારે લોકસભામાં BJP પર પ્રહારો કરતાં અસંસદીય ભાષાનો ઉપયોગ કર્યો હતો જેને લઈને લોકસભા સ્પીકર ઓમ બિરલાએ પણ આપત્તિ દર્શાવી હતી. કેન્દ્રીય સંસદીય કાર્યમંત્રી પ્રહ્લાદ જોશીએ કહ્યું કે હું તેમને માફી માગવા માટે કહીશ, જો તેઓ આવું નથી કરતાં તો આ તેમની સંસ્કૃતિ છે. 

'...પોતાના પર કંટ્રોલ રાખવો જોઈએ' - હેમા માલિની
બીજી તરફ મથુરાથી ભાજપ સાંસદ હેમા માલિનીએ કહ્યું કે સદનમાં આવું ન થવું જોઈએ, જે પણ આદરણીય લોકો અહીં આવે છે તેમણે પોતાના પર કંટ્રોલ રાખવો જોઈએ, આટલું ભાવુક થવાની કોઈ જરૂરિયાત નથી, કેટલાક લોકો ઘણાં વધારે ભડકી જાય છે. 

સ્પીકરે પણ આપ્યાં હતાં આદેશ 
મંગળવારે TMCની સાંસદ મહુઆ મોઈત્રાએ અદાણી સમૂહને લગતાં મુદાઓને લઈને લોકસભામાં પ્રહારો કર્યાં હતાં. તૃણમૂલ કોંગ્રેસની આ સાંસદ સદનમાં 2 બર્થડે કેપ પણ લઈને આવી હતી. રાષ્ટ્રપતિએ તેમને આ ટોપીઓ પહેરવાની ના પણ પાડી હતી અને તેમને આ ટેબલથી હટાવવા પણ કહ્યું હતું.