વાયરલ / VIDEO: તું 30ની થાય ત્યાં સુધી કોઈ સિરિયસ છોકરાને... બાયડને છોકરીને આપી ડેટિંગ ટિપ્સ, લોકોએ કર્યા ટ્રોલ

• બાઈડન એમની સ્પીચ પછી એક છોકરી સાથે સેલ્ફી ખેંચાવવા માટે ઊભા રહ્યા 
• બાઈડને છોકરીના ખભા પર હાથ રાખીને તેને ડેટિંગ માટેની સલાહ આપી
• વીડિયો સોશિયલ મીડિયા પર થયો વાયરલ 

અમેરિકાના રાષ્ટ્રપતિ જો બાઈડન શુક્રવારના રોજ કેલિફોર્નિયાના ઇર્વિનમાં હતા અને ત્યાં એમને એક છોકરીને ડેટિંગની સલાહ આપી હતી. હાલ એમનો એ વીડિયો સોશિયલ મીડિયા પર ખૂબ વાયરલ થઇ રહ્યો છે. ઇર્વિન વેલી કોલેજમાં બાઈડન એમની સ્પીચ પછી એક છોકરી સાથે સેલ્ફી માટે અટક્યાં હતા અને એ સમયે એમને છોકરીના ખભા પર હાથ રાખીને તેને ડેટિંગ માટેની એક સલાહ આપી હતી. હાલ તેનો આ વીડિયો સોશિયલ મીડિયા પર ઘણો વાયરલ થઈ રહ્યો છે અને લોકો તેને શેર કરી રહ્યા છે. 

આપણે બધા જાણીએ જ છીએ કે જો બાઈડન વારંવાર તેમના નિવેદનોથી હેડલાઇન્સ બનાવતા રહે છે અને આ વખતે એમના વાયરલ થયેલ આ વિડીયોમાં તેઓ એક છોકરીને કહેતા નજર આવે છે કે, ' હવે એક ખૂબ જ મહત્વની વાત, જે હું મારી દીકરીઓ અને પૌત્રીઓને પણ કહું છું, 30 વર્ષની ન થા ત્યાં સુધી કોઈ સિરિયસ છોકરાને ડેટ ન કરતી.' વગર માંગીએ અમેરિકાના રાષ્ટ્રપતિની આ સલાહ સાંભળીને એ છોકરી પણ ચોંકી ગઈ હતી પણ એ પછી તેને જવાબમાં કહ્યું હતું કે, 'ઠીક છે હું આ વાતને યાદ રાખીશ.' વિડીયોમાં જોઈ શકાય છે કે બાઈડનની આ સલાહ સાંભળીને એ છોકરી હસી પડી હતી. જો કે આ વિડીયો વાયરલ થયા પછી ઘણા લોકો બાઈડનની ટીકા કરી રહ્યા છે, એમનું કહેવું છે કે વીડિયોમાં દેખાય છે કે બાઈડને આવી સલાહ આપી તો ત્યારે એ છોકરી 'અસહજતા' અનુભવી રહી હતી. 

President Joe Biden grabs a young girl by the shoulder and tells her “no serious guys till your 30” as she looks back appearing uncomfortable, secret service appears to try to stop me from filming it after Biden spoke @ Irvine Valley Community College | @TPUSA @FrontlinesShow pic.twitter.com/BemRybWdBI

— Kalen D’Almeida (@fromkalen) October 15, 2022

જો કે ઘણા લોકો બાઈડનની આ સલાહના વખાણ પણ કરી રહ્યા છે. બાઈડન હંમેશા તેમના અંગત જીવન સાથે જોડાયેલા વિવાદોને કારણે ઘણીવાર લોકોની આલોચનાનો શિકાર બન્યા છે. આ પહેલા પણ એમને નેશનલ એજ્યુકેશન એસોસિએશનમાં એક ભાષણ દરમિયાન તેમના એક મિત્ર વિશે જણાવ્યું હતું જે તેમનાથી 18 વર્ષ નાના હતા. બાઈડને ભીડમાંથી એક મહિલાને ઓળખીને આ વાતનો ખુલાસો કર્યો હતો અને કહ્યું હતું કે તે 12 વર્ષની હતી અને હું 30 વર્ષનો હતો પણ આ મહિલાએ તેની ઘણી મદદ કરી હતી. 

એ સમયે પણ બાઈડનને લોકોની ઘણી ટીકાનો સામનો કરવો પડ્યો હતો. ઘણા લોકોએ તેના અને તેની મિત્ર વચ્ચેની ઉંમરના અંતરને લઈને તેની આલોચના કરી હતી. જો કે થોડા દિવસ પહેલા એમને તેમના એક સંબોધનણઆ પાકિસ્તાનને 'દુનિયાનો સૌથી ખતરનાક' દેશ ગણાયો હતો અને કારણ કે તેની પાસે કોઈ સુરક્ષા વીનાણઆ પરમાણુ હથિયાર છે. એમના આ નિવેદનથી પાકિસ્તાનીઓ તેમની પર ભડકી ગયા હતા.