અજબ ગજબ / આ જલેબી-ફાફડા વાળી જલેબી ભારતીય મીઠાઈ નથી, જાણો ઇતિહાસ

ફક્ત ગુજરાતમાં જ નહીં આખા દેશમાં જલેબી મીઠાઇ તરીકે ઘણી ફેમસ છે અને બનારસમાં તો લોકો સવારે દહીંમાં મિક્સ કરીને જલેબી ખાય છે આ સિવાય જલેબી રાજસ્થાન, દિલ્હી, પશ્ચિમ બંગાળ અને દેશના અન્ય ઘણા શહેરોમાં ખૂબ લોકપ્રિય છે. પણ આ જલેબી ન તો ગુજરાતની છે ન તો ભારતની..તો પ્રશ્ન એ થાય કે આ જલેબી કયા દેશની મીઠાઈ છે અને ભારતમાં જલેબી કેવી રીતે પહોંચી ?

જલેબીનો ઈતિહાસ મધ્ય પૂર્વના ઈસ્લામિક દેશનો છે અને ત્યાંનાં પુસ્તકમાં 'જલાબિયા' નામની મીઠાઈનો ઉલ્લેખ છે, જે અરબી શબ્દ છે અને ત્યાંનાં રસોઇ ગ્રંથમાં આ જલાબિયા બનાવવાની ઘણી વાનગીઓનો ઉલ્લેખ કરવામાં આવ્યો છે.

એવું કહેવાય છે કે જલેબીની ઉત્પત્તિ ઈરાનની છે અને ઈરાનમાં તેને જુલબિયા તરીકે ઓળખવામાં આવે છે, જે ખાસ કરીને રમઝાન મહિનામાં ખાવાની પરંપરા ધરાવે છે. ઈતિહાસકારોના મતે વર્ષો પહેલા જ્યારે મધ્ય પૂર્વના ઈસ્લામિક દેશોના વેપારીઓ, કારીગરો, આક્રમણકારો ભારતમાં આવ્યા ત્યારે તેમની સાથે જલેબી ભારતમાં પહોંચી હતી.

વધુ વાંચો: નિંદર કરીને કમાઓ 9 લાખ રૂપિયા! આ જગ્યા પર થાય છે સ્લીપ ઇન્ટર્નશિપ પ્રોગ્રામ

જુલબિયા ઈરાનમાં પણ આટલી જ લોકપ્રિય છે, પરંતુ ભારતીય જલેબીથી અલગ છે, મધ્ય પૂર્વના દેશોમાં તેને બનાવતી વખતે મધ અને ગુલાબજળની ચાસણીનો ઉપયોગ કરવામાં આવે છે, પરંતુ ભારતમાં તેને સાદી ખાંડની ચાસણીમાં ડૂબાવીને બનાવવામાં આવે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ