ક્રિકેટ / VIDEO: લાગે છે બધા મેન ઑફ ધ મેચ આપણાં પટેલો વચ્ચે જ રહેશે, બે ખેલાડીઓની વાતચીત થઈ વાયરલ

• ન્યૂઝીલેન્ડ સામેની શાનદાર જીત સેલિબ્રેટ કરતા જોવા મળ્યા ખેલેડીઓ
• ભારતે ત્રણ મેચોની સીરિઝ 3-0થી પોતાના નામે કરી 
• મેન ઓફ ઘ મેચને લઈને કહી આ વાત 

હર્ષલ પટેલ અને અક્ષર પટેલે ભારતની ન્યૂઝીલેન્ડ પરની શાનદાર જીતને સેલિબ્રેટ કરી હતી. ભારતે ત્રણ મેચોની સીરિઝ 3-0થી પોતાના નામે કરી છે. મેચ બાદ બન્નેએ પોતાના રસપ્રદ પ્લાન્સ પણ જણાવ્યા હતા. તેમણે આવનાર ટી20 ઈન્ટરનેશનલ મુકાબલામાં દરેક મેન ઓફ ધ મેચની ટ્રોફી બન્નેની સાથે જ રાખવાનો ઈરાદો વ્યક્ત કર્યો હતો. 

ભારતે ત્રીજી ટી20 ઈન્ટરનેશનલ 73 રનથી જીતી હતી. ભારતે ઈડન ગાર્ડંસની બેટિંગ માટે મુફીદ પિચ પર જોરદાર પ્રદર્શન કર્યું અને 7 વિકેટ પર 184 રન બનાવ્યા હતા. રન બનાવતા ન્યૂઝીલેન્ડની શરૂઆત ખૂબ જ ખરાબ રહી હતી. અક્ષર પટેલે 9 રન આપીને ત્રણ વિકેટ લીધી હતી. ન્યૂઝીલેન્ડને શરૂઆતમાં જ આ ઝટકા મળવાના કારણે તે કમબેક ન કરી શક્યું અને 17.2 ઓવરમાં 111 રન બનાવીને આખી ટીમ ઓલ આઈટ થઈ ગઈ હતી. 

Winning matches 👏
Winning awards 👍
Having some banter 😎@akshar2026 & @HarshalPatel23 chat up after #TeamIndia's T20I series sweep in Kolkata. 👌 👌 - By @28anand

Full interview 🎥 🔽 #INDvNZ @Paytm https://t.co/WRcCOugVQ5 pic.twitter.com/6pnlaoN4B9

— BCCI (@BCCI) November 22, 2021

BCCIએ ટ્વીટ કર્યો  આ વીડિયો 
હર્ષલ પટેલે રાંચીમાં ડેબ્યુ કર્યું હતું અને 25 રન આપીને 2 વિકેટ લીધી હતી. તેમણે ભારતને સાત વિકેટથી જીત અપાવવામાં મહત્વપૂર્ણ ભુમિકા ભજવી હતી. તેની સાથે જ પાછલા 2 દિવસોમાં ટી 20 ઈન્ટરનેશનલ મુકાબલામાં બન્ને મેન ઓફ ધ મેચ પટેલ સરનેમને જ મળ્યા હતા. તેના પર અક્ષર અને હર્ષલ મજાકીયા અંદાજમાં વાત કરતા જોવા મળ્યા હતા. બીસીસીઆઈના ટ્વીટર પર જાહેર કરવામાં આવેલા એક વીડિયોમાં અક્ષરે હાર્દિકને તેના પ્રદર્શન વિશે પુછ્યુ હતું. 

શું કહ્યું હર્ષલ પટેલે? 
હર્ષલે જણાવ્યું, "આ અદ્વિતીય અનુભવ છે. હું તમને જણાવું તો મને આશા જ ન હતી કે ડેબ્યુ મેચ આટલી સારી જશે કારણ કે આ પહેલા મારી કોઈ પણ ડેબ્યુ મેચ સારી નથી ગઈ. પરંતુ મેં પોતાની સ્કિલ્સનો સારો ઉપયોગ કર્યો છે અને પરિણામ પણ આપણા પક્ષમાં આવી રહ્યું છે અને આપણે મેચ જીતી ગયા હતા. મને નથી ખબર, હજુ અમે નક્કી નથી કર્યું પરંતુ એવું લાગી રહ્યું છે કે મેન ઓફ ધ મેચ હવે પટેલોની વચ્ચે જ રહેશે. "

પહેલા ટી20 ઈન્ટરનેશનલમાં સૂર્યકુમાર યાદવ મેન ઓફ ધ મેચ રહી ચુક્યું છે.  જયપુરમાં રમાયેલી આ મેચમાં ભારતે 165 રનનો સ્કોર હાસિલ કર્યો હતો અને 5 વિકેટથી જીત હાસિલ કરી હતી. રવિવારે સમાપ્ત થયેલી આ સીરીઝ નવા કોચ અને કેપ્ટનની જોડીને લઈને શાનદાર શરૂઆત રહી.