ક્રિકેટ / VIDEO: શું ક્રિકેટથી સંન્યાસ લઈ રહ્યો છે સ્ટાર ખેલાડી? વીડિયો જોઈને ઈમોશનલ થઈ ગયા ફેન્સ

• વર્લ્ડ કપમાં પણ ટીમ ઈન્ડિયા તરફથી રમતો જોવા મળ્યો હતો આ ખેલાડી 
• સંન્યાસ લેવાના આપ્યા સંકેત 
• વર્લ્ડ કપમાં કાર્તિક રહ્યો ફેલ 

ટીમ ઈન્ડિયાના સ્ટાર વિકેટ કીપર બેટ્સમેન દિનેશ કાર્તિક ફરી એકવાર ચર્ચાનો વિષય બન્યા છે. જો કે આ વખતે તેના ચર્ચામાં આવવાનું કારણ એક ઈમોશનલ વીડિયો છે જે એમને સોશિયલ મીડિયા પર શેર કર્યો છે. કરિયરની શરૂઆતથી જ ઉતાર-ચઢાવનો સામનો કરનાર દિનેશ કાર્તિક ટી20 વર્લ્ડ કપ 2022માં પણ ટીમ ઈન્ડિયા તરફથી રમતા જોવા મળ્યો હતો પણ તે ત્યાં કોઈ ખાસ કમાલ નહતો કરી શક્યો. જો કે વર્લ્ડ કપ હાર્યા પછી ટીમ ઈન્ડિયામાં ઘણા ફેરફાર થવાની સંભાવના દર્શાવવામાં આવી હતી. 

ટીમ ઇન્ડિયાના વર્લ્ડ કપના સેમિફાઇનલમાં ખરાબ રીતે હાર્યા બાદ એવું પણ કહેવામાં આવી રહ્યું હતું કે દિનેશ કાર્તિક ટૂંક સમયમાં ક્રિકેટમાંથી નિવૃત્તિની જાહેરાત કરશે. જો અત્યાર સુધી આવી બસ આશંકા હતી પણ હવે ચાહકો તેના દ્વારા શેર કરવામાં આવેલ વીડિયોને તેની નિવૃત્તિનો સંકેત માની રહ્યા છે.  

સંન્યાસ લેવાના આપ્યા સંકેત 
T20 વર્લ્ડ કપ 2022 પૂરા થયા બાદ હાલ દિનેશ કાર્તિકે એક ઈમોશનલ વીડિયો શેર કરીને આભાર માન્યો છે. આ વીડિયોમાં દિનેશ કાર્તિકેકેટલીક શાનદાર ક્ષણો શેર કરી છે સાથે જ તેમાં T20 વર્લ્ડ કપ સાથે જોડાયેલી ઘણી ક્ષણો પણ છે.જણાવી દઈએ કે આ વીડિયોના કેપ્શનમાં કાર્તિકે લખ્યું છે કે, 'ભારત માટે T20 વર્લ્ડ કપ રમવાના લક્ષ્ય માટે સખત મહેનત કરી અને આમ કરવું ગર્વની વાત હતી... અમે છેલ્લા ઉદ્દેશ્યથી પાછળ રહી ગયા પણ તેનાથી મને મારા જીવનમાં યાદ રાખવા માટે ઘણી યાદો પણ મળી.' હાલ તેમના ચાહકો દ્વારા કાર્તિકના આ વીડિયોને તેના ક્રિકેટમાંથી નિવૃત્તિના સંકેત તરીકે જોવામાં આવી રહ્યો છે.

 

 

 

 

View this post on Instagram

 

 

 

 

 

 

 

 

 

 

 

A post shared by Dinesh Karthik (@dk00019)

વર્લ્ડ કપમાં કાર્તિક રહ્યો ફેલ 
આપણએ બધા જાણીએ છીએ કે દીનેશ કાર્તિક ટી-20 વર્લ્ડ કપમાં અપેક્ષાઓ પર ખરો ઉતરી શક્યો ન હતો. તેને વર્લ્ડ કપમાં કુલ 4 મેચમાં હાગ લીધો હતો અને 3 ઇનિંગ્સમાં માત્ર 4.66ની એવરેજ અને 63.63ની સ્ટ્રાઇક રેટથી 14 રન બનાવ્યા હતા. કાર્તિકને ફિનિશર તરીકે ટીમમાં સામેલ કરવામાં આવ્યો હતો પણ તે પોતાની ભૂમિકા નિભાવવામાં સંપૂર્ણપણે નિષ્ફળ ગયો હતો. જો કે એ પછીથી જ =એવી વાતો થવા લાગી હતી કે કાર્તિક ટૂંક સમયમાં ક્રિકેટમાંથી નિવૃત્તિ જાહેર કરશે.