ODI સિરીઝ / VIDEO:બીજી ODI દરમિયાન કેપ્ટન રોહિત શર્મા ઈજાગ્રસ્ત થતા હોસ્પિટલ ખસેડાયો

• ભારત અને બાંગ્લાદેશ વચ્ચે વનડે શ્રેણી
• રોહિત શર્મા બીજી વનડે દરમિયાન ઈજાગ્રસ્ત
• ટીમ ઈન્ડિયા શ્રેણીમાં 0-1થી પાછળ છે

ભારત અને બાંગ્લાદેશ વચ્ચે વનડે શ્રેણી ચાલી રહી છે. આ શ્રેણીને લઈને સમાચાર સામે આવ્યા છે. રોહિત શર્મા બીજી વનડે દરમિયાન ઈજાગ્રસ્ત થયો છે. તેને હોસ્પિટલમાં લઈ જવામાં આવ્યો છે. બીજી વનડેમાં કેચ લેતી વખતે તે ઈજાગ્રસ્ત થયો હતો. ટીમ ઈન્ડિયા શ્રેણીમાં 0-1થી પાછળ છે. ફાસ્ટ બોલર કુલદીપ સેન પણ મેચમાં નથી રમી રહ્યો. તેઓ પણ ઘાયલ થયા છે. શ્રેણીમાં ટકી રહેવા માટે ભારતીય ટીમ માટે આ મેચ જીતવી જરૂરી છે. બંને ટીમો વચ્ચે છેલ્લી શ્રેણી 2015માં બાંગ્લાદેશમાં રમાઈ હતી, જ્યારે યજમાન બાંગ્લાદેશ 2-1થી જીત્યું હતું.

Update: India Captain Rohit Sharma suffered a blow to his thumb while fielding in the 2nd ODI. The BCCI Medical Team assessed him. He has now gone for scans. pic.twitter.com/LHysrbDiKw

— BCCI (@BCCI) December 7, 2022

રોહિત થયો ઈજાગ્રસ્ત
ફાસ્ટ બોલર મોહમ્મદ સિરાજ મેચની બીજી ઓવર ફેંકી રહ્યો હતો. ચોથા બોલ પર બોલ બેટ્સમેન અનામુલ હકના બેટ સાથે અથડાયો અને બીજી સ્લિપમાં ગયો. રોહિત કેચ પકડી ન શક્યો અને તેની આંગળીમાંથી લોહી નીકળવા લાગ્યું. આ પછી તે મેદાનની બહાર નીકળી ગયો હતો. ઈજા કેટલી ઊંડી છે? તેની તપાસ માટે તેને હોસ્પિટલમાં મોકલવામાં આવ્યો છે. રોહિત ઓપનર તરીકે મેચમાં પ્રવેશ કરે છે. જોકે તે પ્રથમ મેચમાં કંઈ ખાસ બતાવી શક્યો નહોતો.

Rohit sharma got injured #Rohitsharma pic.twitter.com/4IAOHpt1Ua

— Adnan Ansari (@AdnanAn71861809) December 7, 2022

મોહમ્મદ શમી પણ ઈજાના કારણે બહાર
શ્રેણીની શરૂઆત પહેલા ઝડપી બોલર મોહમ્મદ શમી પણ ઈજાના કારણે બહાર થઈ ગયો હતો. 3 મેચની વનડે સીરીઝ બાદ ટીમ ઈન્ડિયાએ 14 ડિસેમ્બરથી બાંગ્લાદેશ સામે 3 મેચની ટેસ્ટ સીરીઝ પણ રમવાની છે. આવી સ્થિતિમાં, ટીમ મેનેજમેન્ટ કેપ્ટન રોહિતને લઈને કોઈ જોખમ લેવા માંગશે નહીં. આ શ્રેણી વિશ્વ ટેસ્ટ ચેમ્પિયનશિપનો એક ભાગ છે. આ પહેલા ત્રીજી વનડે 10 ડિસેમ્બરે રમાવાની છે.

વર્લ્ડ ટેસ્ટ ચેમ્પિયનશિપની વાત કરીએ તો ભારતીય ટીમ હજુ પણ ફાઈનલની રેસમાં છે અને તે અત્યારે ટેબલમાં નંબર-4 પર છે. ઓસ્ટ્રેલિયાની ટીમ ટોપ પર ચાલી રહી છે. તેણે ભૂતકાળમાં વેસ્ટ ઈન્ડિઝને હરાવ્યું હતું.