VIDEO / ટલ્લી થઈને આવેલા વરરાજાને લગ્નમંડપમાં જ દુલ્હને લાફા ઝીકી દીધા, હોબાળો મચી ગયો

• યુપીમાંથી ચોંકાવનારો કિસ્સો સામે આવ્યો
• લગ્ન મંડપમાં દુલ્હને વરરાજાને લાફા ઝીકી દીધા
• દુલ્હન લગ્ન મંડપમાંથી નિકળી ગઈ

ઉત્તર પ્રદેશના હમીરપુરમાં એક દુલ્હને પોતાના પતિને મંડપમાં જ ફટકારવાનું શરૂ કરી દીધું હતું. વરરાજાએ જેવું દુલ્હનના ગળામાં વરમાળા પહેરાવી, તેવું જ દુલ્હને ઉપરાઉપરી 4-5 લાફા વળગાડી દીધા. ત્યાર બાદ ત્યાંથી નિકળી ગઈ હતી. કહેવાય છે કે વરરાજા ખૂબ જ નશામાં હતો અને મંડપમાં સરખી રીતે ઉભો પણ રહી શકતો નહોતો. અમુક લોકો કહી રહ્યા હતા કે, વરરાજાના મિત્રો મજાક કરી રહ્યા હતા, આ વાતને લઈને દુલ્હનને ગુસ્સો આવ્યો હતો અને વરરાજાને ફટકાર્યો હતો.

हमीरपुर: जयमाल डालते ही दूल्हन को आया गुस्सा और दूल्हे पर बरसा दिए थप्पड़। सोशल मीडिया पर वायरल हो रहा वीडियो। pic.twitter.com/EV8EJF0U0t

— Gaurav Shukla (@shuklaagaurav) April 18, 2022

આ ઘટના હમીરપુરના સ્વાસા ગામની છે. વરરાજો જાન લઈને જાલૌનથી આવ્યો હતો. દુલ્હન જેવી થપ્પડ મારીને ગઈ કે બંને પક્ષ વચ્ચે વિવાદ શરૂ થઈ ગયો. જો કે, આ ઘટનાની જાણ કોઈએ પોલીસને પણ આપી દીધી હતી. બંને પક્ષને સમજાવ્યા. બાદમાં ઘણી માથાકૂટ બાદ આખરે દુલ્હન માની ગઈ હતી. બાદમાં બંનેએ લગ્ન કર્યા હતા.

ગામ લોકોએ જણાવી આ વાત

લોકોએ જણાવ્યું હતું કે, જાન આવ્યા બાદ ખુશીનો માહોલ હતો. બધા લોકો ડાંસ કરી રહ્યા હતા. ત્યારે વરમાળા માટે વરરાજો જેવો સ્ટેજ પર આવ્યો કે વિવાદ શરૂ થઈ ગયો. ઘટના વિશે કોઈ પરિવાર કંઈ કહેવા માટે તૈયાર નહોતું. છોકરીનું નામ રોશની છે અને વરરાજાનું નામ રવિકાંત છે. લોકોનું કહેવુ છે કે, રોશની વ્યવહારે તો સારી છોકરી છે. લોકો પ્રત્યે તેનો વ્યવહાર પણ સારો છે. છોકરાઓ તરફથી કોઈ અટકચાળો થયો હતો, ત્યારે તો માર ખાધો.